जिल्हा कोषागार व उपकोषागार कार्यालयाच्यावतीने वृक्षरोपण

 

जालना, दि. 26 (जिमाका) :- स्वातंत्र्याच्या अमृत महोत्सवनिमित्त्त जिल्हा कोषागार कार्यालय व त्यांच्या अधिनस्त सात उपकोषागारे कार्यालयाच्यावतीने मागील तीन दिवसांत वृक्षरोपणाची मोहिम राबविण्यात आली.

जिल्हा कोषागार अधिकारी सचिन चंद्रशेखर धस यांच्या मार्गदर्शनाखाली मागील शनिवार, रविवार व सोमवारी राबविण्यात आलेल्या या मोहिमेत अपर कोषागार अधिकारी जयश्री कुलकर्णी, अपर कोषागार अधिकारी सूर्यकांत धोंगडे, श्री. सोईफ यांच्यासह सर्व सात तालुक्यांतील उपकोषागार अधिकारी व कर्मचाऱ्यांनी उत्स्फुर्तपणे सहभाग घेतला. केवळ वृक्षारोपण करूनच ते थांबले नाहीत, तर त्यासाठी सुरक्षित ट्री गार्ड व पाण्याची सोय यांचाही त्यांनी विचार करून नियोजनपूर्वक वृक्षारोपण केले. फक्त दिलेले उद्दिष्ट पार पाडायचे, असा मूळीच हेतू नसून हे काम आमच्या सर्वांच्या आवडीचे व निसर्गासाठी आहे, असे श्री. धस यांनी यावेळी सांगितले.

-*-*-*-*-*-