जालना,
दि. 31 – औरंगाबाद
विभाग पदवीधर मतदार संघातील मतदार यादी तयार करण्यात येत आहे. मतदार नोंदणीसाठी
आवश्यक असलेले कोरे फॉर्म तहसिल कार्यालय व मंडळ अधिकारी कार्यालयात उपलब्ध असुन
अधिकाधिक अर्हताधारक व पात्र पदवीधरांनी मतदार म्हणुन नोंदणी करावी. तसेच सर्व शासकीय विभाग प्रमुखांनी आपल्या अखत्यारित असलेल्या पदवीधर अधिकारी, कर्मचाऱ्यांची मतदार म्हणुन नोंदणी करण्यासाठी पदवीधर प्रमाणपत्र, निवडणुक ओळखपत्र व आधारकार्ड व छायाचित्र आदी कागदपत्रे संबंधित विभागात 6 नोव्हेंबरपर्यंत जमा करण्याचे निर्देश
जिल्हाधिकारी रवींद्र बिनवडे यांनी दिले.
दवीधर
मतदारसंघ मतदारयादी संदर्भात जिल्हाधिकारी कार्यालयाच्या सभागृहात सर्व विभाग
प्रमुखांच्या बैठकीचे आयोजन करण्यात आले होते. त्याप्रसंगी उपस्थितांना मार्गदर्शन करताना ते बोलत होते.
या बैठकीस जिल्हा पोलीस अधिक्षक एस. चैतन्य, जिल्हा परिषदेच्या
मुख्य कार्यकारी अधिकारी श्रीमती निमा अरोरा, उपजिल्हाधिकारी
श्री परळीकर आदींची प्रमुख उपस्थिती होती.
जिल्हाधिकारी श्री बिनवडे म्हणाले, विभाग प्रमुखांच्या अधिनस्‍त असलेल्या अधिकारी/कर्मचाऱ्यांची पदवीधर मतदार यादीत नोंदणी होणे आवश्यक असून त्‍यानूसार
त्या त्या कार्यालय प्रमुख यांनी संबधीत पात्र कर्मचा-यांचे न.पं.18 भरुन संबधीत तहसील
कार्यालयात सादर करावेत. पदवीधर मतदारसंघाची मतदार यादी प्रत्येक
निवडणूकीपूर्वी नव्याने तयार करणे आवश्यक
असल्‍यामुळे या मतदार संघातील सध्‍या अस्तीत्‍वात असलेल्या मतदार यादीत ज्या व्‍यक्‍तींची
नांवे समाविष्ट आहेत अशा सर्व व्‍यक्‍तींनी देखील विहीत नमून्‍यात (नमूना नंबर 18) नव्याने अर्ज सादर करणे
आवश्यक असल्याचे त्यांनी यावेळी सांगितले.
जिल्ह्यातील सर्व शाळा, महाविद्यालय यांच्या मुख्याध्यापक, प्राचार्य यांना
या मतदार नोंदणी कार्यक्रमाबाबत माहिती देऊन शिक्षण संस्थेत कार्यरत असलेल्या सर्व
पदवीधर शिक्षक व कर्मचारी तसेच पात्र पदवीधर विद्यार्थी यांची नाव नोंदणी करून
घेण्याबाबत जिल्हा परिषदेच्या शिक्षण विभागाच्या प्रतिनिधींना सूचना दिल्या. या बाबत शिक्षणाधिकारी
यांनी त्यांचे अधिनस्‍त असलेले महाविदयालयीन प्राध्‍यापक, मुख्याध्यापक
यांची बैठक आयोजित करुन मतदार यादीच्या नोंदणीबाबत सुचना देण्याचे निर्देशही
त्यांनी यावेळी दिले.
पदवीधर मतदार म्हणून नोंदणीसाठी
अर्हता
Ø
अर्हता :- प्रत्येक व्यक्ती जी भारताची नागरीक आहे त्या मतदारसंघातील
सर्वसाधारणर हिवासी आहे. आणि ती व्यक्ती 1 नोव्हेंबर 2019 पुर्वी (म्हणजे अर्हता
दिनांक) किमान 3 वर्ष भारतातील विदयापीठाचा पदवीधर असेल किंवा
त्यांच्याशी समकक्ष असलेली अर्हता धारण करीत असेल अशी प्रत्येक व्यक्ती
मतदारयादीमध्ये नांवसमाविष्ट करण्यासाठी पात्र आहे. तीन वर्षाचा कालावधी हा ज्या दिनांकास अर्हताकारी पदवी
परीक्षेचा निकाल जाहीर करण्यात आला असेल आणी तो विदयापीठ किंवा अन्य संबंधीत
प्राधिकरण यांच्याकडुन प्रसिध्द करण्यात आला असेल त्या दिनांकापासुन मोजण्यात येईल.
Ø
विवाहीत महिला मतदारांचे शैक्षणिक कागदपत्रे ही
पूर्वाश्रमीच्‍या नांवाने असल्‍याने त्यांनी विवाह नोंदणी प्रमाणपत्र/पॅन कार्ड अर्जासोबत जोडावे.
Ø
पदवीधर मतदार संघासाठी नव्याने मतदार यादया ( de-novo) तयार करावयाच्‍या
असून मतदार नोंदणीसाठी निवडणूक आयोगाने 1 नोव्हेंबर
2019 हा अर्हता दिनांक निश्चित केला आहे. मतदार यादीत नव्याने नाव
समाविष्ट करण्यासाठी पात्र मतदारांचे नमुना 18 मधील अर्ज
स्वीकारण्यासाठी सर्व तालुकांच्या महसूल मंडळातील मंडळ अधिकाऱ्यांना
प्राधिकृत करण्यात आले आहे. सर्व उपविभागीय
अधिकारी व तहसीलदार हे त्यांच्याशी
संबंधीत निर्वाचन क्षेत्रासाठी पदनिर्देशित अधिकारी म्हणून काम पाहणार आहेत.
याबाबत माहिती दिली. तसेच पदवीधर
मतदार संघासाठी फक्‍त ऑफ
लाईन पध्‍दतीने अर्ज स्विकारण्‍यात येणार आहेत याची आयोगाने घोषित केलेल्या
कार्यक्रमानूसार दिनांक 6 नोव्हेंबर 2019 पर्यंत फॉर्म भरुन जमा करणे आवश्यक असल्‍याबाबत जाणीव
करुन देण्यात येत आहे.तशी आपले अधिनस्‍त
सर्व संबधीत पात्र पदवीरधारक यांचे
निदर्शनास आणावी, आदी माहितीही या बैठकीत
देण्यात आली.
बैठकीस सर्व विभागाचे प्रमुख अधिकारी उपस्थित होते
