नोकरीसाठी नोंदणी केलेल्या उमेदवारांनी आधारकार्ड अद्यावत करण्याचे आवाहन

            जालना, दि. 29, (जि.मा.का.) :- कौशल्य विकास रोजगार व उद्योजकता विभागाच्यावतीने नोकरीसाठी इच्छुक उमेदवारांसाठी एम्पलॉयमेंन्ट नोंदणी करण्याकरीता  www.mahaswayam.gov.in  हे वेबपोर्टल विकसीत करण्यात आले आहे.‍ जिल्हयातील नोकरीसाठी इच्छुक तसेच कौशल्य विकास प्रशिक्षण घेऊ इच्छिणाऱ्या ज्या उमेदवारांनी वेबपोर्टलवर नोंदणी केली आह परंतू ज्यांनी अद्यापर्यंत आपले आधार कार्ड एम्पलॉयमेंन्ट कार्डशी लिंक केले नाही, अशा उमेदवारांनी  संकेतस्थळावर आपला आधार क्रमांक, ईमेल, मोबाईल नंबर व प्रोफाईल तात्काळ अद्यावत करुन घेण्याचे आवाहन जिल्हा कौशल्य विकास,रोजगार व उद्योजकता मार्गदर्शन केंद्राचे सहाय्यक आयुक्त यांनी प्रसिध्दी पत्रकाव्दारे केले आहे.

            संबधीत उमेदवारांनी आपला आधार क्रमांक व प्रोफाईल अद्यावत न केल्यास आपली नोंदणी  15 ऑगस्ट, 2020 अखेर रद्द होईल, असेही प्रसिद्धी पत्रकात नमूद करण्यात आले आहे.

                                                                               *******