जालना, दि.23 (जिमाका) :- दरवर्षी महसूल विभागाअंतर्गत घेण्यात येणाऱ्या जिल्हास्तरीय महसूल क्रीडा व सांस्कृतिक स्पर्धेचा आज मोठ्या उत्साहात जालना येथील पोलिस मुख्यालयाच्या मैदानावर प्रारंभ झाला. या स्पर्धेचे उदघाटन जिल्हाधिकारी डॉ. विजय राठोड यांच्या हस्ते क्रिकेट सामन्याचे टॉस करुन पार पडले.
यावेळी
अपर जिल्हाधिकारी अंकुश पिनाटे, निवासी उपजिल्हाधिकारी केशव नेटके, उपजिल्हाधिकारी
शर्मिला भोसले, उपजिल्हाधिकारी गणेश निऱ्हाळी, उपजिल्हाधिकारी डॉ. ज्ञानोबा बानापूरे,
उपजिल्हाधिकारी अंजली कानडे, जिल्हा पुरवठा अधिकारी रिना बसय्यै यांची प्रमुख उपस्थिती
होती. यावेळी क्रिकेटच्या सामन्यात स्वत: जिल्हाधिकारी डॉ. विजय राठोड यांनी सहभाग
घेत फलंदाजी करत महसूल कर्मचाऱ्यांचा उत्साह द्विगुणीत केला. क्रीडा स्पर्धेत क्रिकेटचा
सामना, खो-खो, गोळाफेक आणि 100 मिटर धावणे, भालाफेक, व्हॉलीबॉल
आदी प्रकारचे खेळ घेण्यात आले.
या सर्व क्रीडा प्रकारात जिल्ह्यातील सर्व महसूल अधिकाऱ्यांसह महिला व पुरुष कर्मचाऱ्यांनी
सहभाग नोंदविला. कार्यक्रमाचे प्रास्ताविक उपजिल्हाधिकारी अंजली
कानडे यांनी केले तर सुत्रसंचालन नायब तहसीलदार पी.के.घुगे व एस.टी.चंदन यांनी केले.
आभार डॉ. ज्ञानोबा बाणापूरे यांनी मानले.
-*-*-*-*-
No comments:
Post a Comment