महाराष्ट्र विधान परिषदेच्या 5-औरंगाबाद विभाग शिक्षक मतदार संघाच्या मतदान केंद्राची प्रारुप यादी 24 डिसेंबरला होणार प्रसिध्द

जालना दि. 23 (जिमाका) :-  राज्यसभा आणि राज्य विधान परिषदेसाठीच्या निवडणूक निर्णय अधिकारी यांच्या हस्तपुस्तिकेतील प्रकरण 2 परिच्छेद 14.1 मधील निर्देशानूसार 5-औरंगाबाद विभाग शिक्षक मतदार संघाच्या निवडणूक-2023 करिता मतदान केंद्राची प्रारुप यादी दि. 24 डिसेंबर 2022 रोजी प्रसिध्द करण्यात येणार आहे. सदरची यादी जिल्हाधिकारी तथा जिल्हा निवडणूक अधिकारी, सर्व उपविभागीय अधिकारी तसेच सर्व तहसीलदारांच्या कार्यालयात मतदारांना पाहण्यासाठी उपलब्ध राहील. तसेच सदरची प्रारुप यादी जिल्ह्याचे संकेतस्थळ https://jalna.gov.in  यावर देखील मतदारांना पाहण्यासाठी उपलब्ध आहे. मतदान केंद्राच्या प्रारुप यादी संबंधाने हरकती व सूचना ही यादी प्रसिध्द झाल्याच्या दिनांकापासून 7 दिवसापर्यंत (दि. 1 जानेवारी 2023 पर्यंत) जिल्हाधिकारी तथा जिल्हा निवडणूक अधिकारी, जालना यांच्याकडे सादर करावेत. असे आवाहन जिल्हाधिकारी तथा जिल्हा निवडणूक अधिकारी  डॉ. विजय राठोड केले आहे.   

-*-*-*-*-