जालना दि. 6 (जिमाका) :- जालना
जिल्हृयात महारेशीम अभियान-2023 ची सुरूवात झाली असुन नवीन तुती लागवड करणारे शेतकरी
दिनांक 15 डिसेंबर 2022 पर्यंत नोंदणी करू शकतात. रेशीम उद्योगाचा प्रचार व प्रसिध्दी
करीता दिनांक 6 डिसेंबर 2022 रोजी जिल्हाधिकारी डॉ. विजय राठोड यांनी महारेशीम
अभियान-2023 अंतर्गत “रेशीम चित्ररथास” हिरवी झेंडी दाखवुन शुभेच्छा दिल्या.
याप्रसंगी
जालना जिल्ह्याचे रेशीम विकास अधिकारी अजय मोहिते, रेशीम वरीष्ठ क्षेत्र सहाय्यक एस.आर.जगताप
व क्षेत्र सहाय्यक एस.यु.गणाचार्य व शेतकरी यांची उपस्थीती होती. महारेशीम अभियान
-23 अंतर्गत रेशीम विभाग, कृषी विभाग, रो.ह.यो., सामाजिक वनीकरण विभाग यांच्या संयुक्त
सहभागामधुन जिल्ह्यातील विविध भागात कर्मचारी
गावोगावी जावुन रेशीम उद्योगाचे उत्पादन, वैशिष्टे, फायदे व रेशीम उद्योगाकरीता असणाऱ्या
शासकिय योजना- सुविधा ई. माहिती देवुन सन -2023 मध्ये नवीन तुती लागवड करू इच्छीणाऱ्या
शेतकऱ्यांची नोंदणी करणार आहेत. शेतकऱ्यांची नोंदणी वेळेत झाल्यामुळे या शेतकऱ्यांकडे
माहे जानेवारी-फेब्रुवारी माहिन्यात तुती रोपांची नर्सरी करण्यात येते, त्यांच्या योजनांचे
प्रस्तावास वेळेत तांत्रिक व प्रशाकीय मान्यता देणे शक्य होते.
“रेशीम उद्योगातुन शेतकऱ्याचे उत्पादन
इतर पारंपारीक पींकापेक्षा अधिक होत असल्यामुळे जालना जिल्ह्यातील जास्तीजास्त शेतकऱ्यांनी
सन-2023 चे नवीन तुती लागवडीसाठी रेशीम कार्यालयाकडे नोंदणी करावी, शासकिय योजनेची
सर्वतोपरी मदत शेतकऱ्यांना उपलब्ध करून दिली जाईल” असे जिल्हाधिकारी यांनी शेतकऱ्यांना आवाहन केले.
जालना
जिल्हृयात चांगल्या दर्जाचे व उबवन केलेले अंडीपुंज पुरवठा करण्याची सुविधा,उत्कृष्ठ
चॉकी केंद्र, हमी बाजारभावाची बाजारपेठ, उच्च दर्जाचे सुत उत्पादन करणारे ॲटोमॅटीक
रिलींग केंद्र अशा सर्व प्रकारच्या सुविधा उपलब्ध असल्यामुळे शेतकऱ्यांनी याचा लाभ
घ्यावा व दिनांक 15 डिसेंबर 2022 पर्यंत महारेशीम अभियान मध्ये नोंदणी करावी
असे
आवाहन रेशीम विकास अधिकारी अजय मोहिते यांनी प्रसिध्दीपत्रकाद्वारे केले आहे.
-*-*-*-*-*-*-*-
No comments:
Post a Comment