जालना
दि. 5 (जिमाका) :-
सेवायोजन कार्यालये (रिक्तपदाची सुचना देणे सक्तीचे) कायदा 1959 व त्या अंतर्गत नियमावली 1960 मधील तरतूदीनूसार जिल्ह्यातील सर्व
आस्थापनांनी जून 2023 या अखेर आपल्या वेतन पटावर असलेल्या सर्व
मनुष्यबळाची माहिती ई-आर 1 विवरणपत्र रविवार दि.30 जुलै 2023 पुर्वी www.rojgar.mahaswayam.gov.in संकेतस्थळावर ऑनलाईन सादर करणे बंधनकारक आहे.
अशी माहिती जिल्हा कौशल्य विकास, रोजगार व उद्योजकता मार्गदर्शन
केंद्राचे सहायक आयुक्त संपत चाटे यांनी प्रसिध्दीपत्रकाद्वारे कळविले आहे.
सार्वजनिक क्षेत्रातील केंद्र व राज्य शासन यांची सर्व
कार्यालये, अंगिकृत उद्योग / व्यवसाय / महामंडळे, स्थानिक स्वराज्य संस्था, जिल्हा परिषद, पंचायत समिती, महानगर पालिका, नगरपालिका, तसेच खाजगी क्षेत्रातील 25 किंवा अधिक लोक काम करतात अशा सर्व आस्थापना, उद्योग, व्यापार , व्यवसाय, कारखाने यांना सेवायोजन कार्यालये ( रिक्तपदाची
सुचना देणे सक्तीचे ) कायदा 1959 व
त्या अंतर्गत नियमावली 1960 नुसार त्रैमासिक विवरणरपत्र ई-आर 1 माहे जून 2023 तिमाही संपल्यानंतर 30 दिवसाच्या आत म्हणजेच दि.30 जुलै 2023 पर्यंत सादर करणे बंधनकारक आहे.
नियोक्त्यांच्या लॉग-इनमध्ये विवरणपत्र www.rojgar.mahaswayam.gov.in या वेबपोर्टलवर ऑनलाईन सादर
करण्याची सुविधा उपलब्ध करुन देण्यात
आलेली आहे. तरी याप्रमाणे
नियोक्त्यांची जून 2023
या तिमाहीचे विवरणपत्र ई-आर
1 दि. 30 जुलै 2023 पर्यंत सादर करावे. यासाठी www.rojgar.mahaswayam.gov.in वेबसाईट ओपन
करुन,
एम्प्लॉयर (लिस्ट अ जॉब ) वर क्लिक करुन एम्प्लॉयर लॉग इनमध्ये नियोक्त्यांचा युजर आयडी व पासवर्ड
वापरुन लॉग इन करुन ईआर रिपोर्ट मधील ई-आर 1 या ऑप्शनवर क्लिक करुन ऑनलाईन सादर करणे आवश्यक आहे. माहिती भरतेवेळी
काही तांत्रिक अडचण
आल्यास किंवा अधिकच्या सहाय्यासाठी सोमवार ते शुक्रवार रोजी सार्वजनिक सुट्या वगळून सकाळी 10 ते सांयकाळी 6 वाजेपर्यत (02482) 299033 या कार्यालयाच्या दुरध्वनीवर संपर्क साधावा.
तिमाहीचे विवरणपत्र ई-आर
1 सादर करण्यास कसूर झाल्यास कसूरदार
आस्थापनांवर कायदेशीर कारवाई करण्यात येईल. सहायक आयुक्त, जिल्हा कौशल्य विकास,
रोजगार व उद्योजकता मार्गदर्शन केंद्र,
जालना यांनी प्रसिध्दीपत्रकाद्वारे कळविले आहे.
-*-*-*-*-
No comments:
Post a Comment