जालना, दि. 26
(जिमाका):- भारत
सरकारच्या युवा कार्यक्रम व खेळ मंत्रालयातंर्गत नेहरू युवा केंद्र जालनाच्या
वतीने व युवा सेवाभावी संस्था यांच्या सहकार्याने श्री. सरस्वती भुवन प्रशाला, जालना
येथे चित्रकला स्पर्धां पार पडली यामध्ये विद्यार्थ्यांनी उत्स्फूर्तपणे सहभाग
नोंदविला.
कॅच
द रेन 3.0 या पाऊस पाणी संकलन या संकल्पनेची माहिती शालेय विद्यार्थिनी यांच्या
मार्फत समाजातील सर्व घटकांपर्यंत पोहोचण्यासाठी चित्रकला स्पर्धा घेण्यात आल्या. यावेळी उपस्थित विद्यार्थ्यांना जलशपथ देण्यात
आली. पाण्याचे महत्व, पाऊस पाणी संकलन, पाणी हेच जीवन, पाऊस आलाच नाही तर? आणि
पाणी व सृष्टी या विषयावर विद्यार्थ्यांना मार्गदर्शन व चित्रकला स्पर्धा घेण्यात आली.
स्पर्धेत प्रथम कु.भावना तौर, द्वितीय कु.श्रावणी राजेंद्र तर तृतीय कु.स्नेहल खोडके
या विद्यार्थींनींनी क्रमांक पटकावला त्यांचा मान्यवरांच्या हस्ते सत्कार करण्यात
आला. स्पर्धा यशस्वी करण्यासाठी सर्व शिक्षक व कर्मचारी यांनी सहकार्य केले. असे
जिल्हा युवा अधिकारी, नेहरु युवा केंद्र जालना यांनी प्रसिध्दीपत्रकाद्वारे कळविले
आहे.
-*-*-*-*-
No comments:
Post a Comment