जालना रेल्वे स्टेशन वरील कोच देखभाल व दुरुस्ती सुविधेचे उद्घाटन

मराठवाड्याला सर्वोत्तम रेल्वे विकास सुविधा

उपलब्ध करुन देण्यासाठी नेहमी प्रयत्नशील

                                                - केंद्रीय राज्यमंत्री रावसाहेब दानवे

 

जालना, दि. 13 (जिमाका) :- कोणत्याही शहराचा विकास करत असतांना त्या ठिकाणी पायाभूत सुविधा उपलब्ध असल्याशिवाय विकास करता येत नसतो. त्यामुळे केंद्र शासनाच्या माध्यमातून विविध विकास कामे करत जालना शहरासह जिल्ह्याच्या वैभवात अधिकचा हातभार लावला आहे. पुढील काळातही नेहमीच आपला विकासावर भर राहणार आहे. तरी मराठवाडा विभागाला सर्वोत्तम रेल्वे विकास सुविधा उपलब्ध करुन देण्यासाठी नेहमी प्रयत्नशील राहील,  असे प्रतिपादन केंद्रीय रेल्वे राज्यमंत्री रावसाहेब दानवे यांनी केले. 

जालना रेल्वे स्थानक परिसरात कोच देखभाल व दुरुस्ती सुविधेचे उद्घाटन आज संपन्न झाले, यावेळी ते बोलत होते. कार्यक्रमास माजी आमदार अरविंद चव्हाण, जिल्हाधिकारी डॉ. श्रीकृष्ण पांचाळ, पोलिस अधिक्षक अजयकुमार बन्सल, दक्षिण मध्य रेल्वे अधिकारी निधी सरकार, बद्री पठाडे, भास्करआबा दानवे, घनश्याम गोयल आदिची प्रमुख उपस्थिती होती.  

केंद्रीय राज्यमंत्री श्री. दानवे म्हणाले की, जालना रेल्वे स्थानकावरुन महानगरात जाणाऱ्या प्रवाशांची नेहमी गर्दी असते. त्यामुळे येथून नवीन रेल्वे चालु होणे गरजेचे होते. नवीन रेल्वे सुरु करण्यासाठी व प्रवाशांच्या सुरक्षिततेसाठी पीटलाईन आवश्यक असते. असे समजताच 100 कोटी रुपये खर्च करून जालना व छत्रपती संभाजीनगर येथे नवीन पीटलाईन तयार करण्यात आली.  मुंबई येथे जाण्यासाठी वंदे भारत ही रेल्वे जालना येथून सोडण्यासाठी जालना रेल्वे स्थानकावर गाडीत पाणी भरणे व चार्जिंग करण्याची सुविधा यापुर्वीच उपलब्ध करुन देण्यात आलेली आहे.  तसेच तिरुपती, उत्तर प्रदेश व बिहार येथे जाण्यासाठी छपरा, वंदे भारत रेल्वे जालना येथून सुरू करण्यात आलेल्या आहेत. जालना रेल्वे स्थानक पुर्नंबांधणीसाठी 200 कोटी रुपयांचे काम सध्या सुरू झालेले आहे. तसेच रेल्वेला लागणाऱ्या विविध पायाभूत सुविधाही उपलब्ध करून दिलेल्या आहेत, असेही त्यांनी यावेळी सांगितले. कार्यक्रमात कोनशीलेचे अनावरण करण्यात आले तसेच  वंदे भारत रेल्वेला मान्यवरांच्या हस्ते हिरवी झेंडी दाखवून रेल्वे पीटलाईनवर लावण्यात आली. 

            कार्यक्रमाचे प्रास्ताविक दक्षिण मध्य रेल्वे अधिकारी निधी सरकार यांनी केले. तर माजी आमदार अरविंद चव्हाण यांचे समयोचित भाषण झाले. या कार्यक्रमास नागरिक, प्रवासी यांच्यासह रेल्वे विभागाचे अधिकारी-कर्मचारी, पदाधिकारी मोठ्या संख्येने उपस्थित होते.

            जालना महत्त्वाचे जिल्हा मुख्यालय असलेले शहर आहे, जे फायदेशीर शेती, उद्योग आणि पर्यटन क्षेत्रासाठी प्रसिद्ध आहे. जालना रेल्वे स्थानक हे महत्त्वाचे सिकंदराबाद-मनमाड रेल्वे मार्गावर स्थित आहे आणि ते हैदराबाद, मनमाड, मुंबई, पुणे आणि पुढे जाणाऱ्या गाड्या हाताळते. सध्या, हे स्थानक येथून निघणाऱ्या मर्यादित प्रवासी गाड्या हाताळते. रेल्वे प्रवाशांना पुरवल्या जाणाऱ्या सुविधांमध्ये वाढ करण्यासाठी, भारतीय रेल्वे सुमारे 92 कोटी रुपये खर्चून कोच देखभाल सुविधा विकसित करत आहे. या नवीन पिट लाइनमुळे प्रवासी गाड्या, किसान गाड्या आणि NMG गाड्या (कार वाहून नेणारे डबे) यांच्या देखभालीची सोय होईल, याशिवाय किरकोळ दुरुस्ती, जर असेल तर ती जालना स्थानकावरच करता येईल. जालना स्थानकावरील या नवीन सुविधेमुळे आमच्या रोलिंग स्टॉकची सुरक्षा तर बळकट होईलच शिवाय येथून अधिक संख्येने प्रवासी आणि शेतकरी गाड्या सुरू करण्याची संधी मिळेल.

देखभाल सुविधांचे महत्त्वाचे मुद्दे :-

            कोचची चोवीस तास तपासणी, साफसफाई, चार्जिंग आणि पाणी देण्याची सुविधा झाली आहे.  संपूर्ण ट्रेन उभ्या राहण्यासाठी एक स्टेबलिंग लाईन आणि एक अतिरिक्त कोच लाईन –   CSR-300m (जी दुसरी स्टेबलिंग लाईन म्हणून 720m पर्यंत वाढवली जाऊ शकते). 28 कोच हाताळण्यासाठी कॅमटेक डिझाइन असलेली पिट लाइन (685 मीटर) आहे.  डब्यांच्या बाह्य स्वच्छतेसाठी आधुनिक तंत्रज्ञानासह स्वयंचलित कोच वॉशिंग प्लांट आहे.  IOH शेडसह आजारी डब्यांच्या दुरुस्तीसाठी दोन 300 मीटर लांब लाईन (बाजूला 2 खड्डे      असलेले 35 मीटर x 19.5 मीटर) आहे.  एसी कर्मचाऱ्यासाठी कॅरेज आणि वॅगन आणि ट्रेन लाइटिंग/सेवा भवन आहे.  नांदेडच्या टोकाकडे 720 मीटर लांब शंटिंग नेक आहे. . कार्यालयीन इमारती आणि क्वार्टरचे स्थलांतर केले. . चांगल्या सिग्नलिंग सुविधेसाठी विद्यमान इंटरलॉकिंग सिस्टममध्ये बदल केला.  पिट लाइन, सर्व्हिस बिल्डिंग इ.साठी इलेक्ट्रिक लाइटिंग करण्यात आलेली आहे.

नफा :

• प्रवाशांसाठी रेल्वे कनेक्टिव्हिटी मजबूत करून प्रवासी गाड्या ठेवण्याची क्षमता वाढवली

    किसान ट्रेन्स आणि NMG ट्रेन्स (कार वाहून नेणारे डबे) वाढवण्याच्या क्षमतेत वाढ झाल्याने      माल ग्राहकांना फायदा होतो.

• ऑटोमॅटिक कोच क्लीनिंग मशीन्स सादर करून कोच साफसफाईचे सर्वोच्च मानक

• मराठवाडा विभागातील रेल्वे पायाभूत सुविधांचे बळकटीकरण

• रोलिंग स्टॉक आणि ट्रेन ऑपरेशन्सची वर्धित सुरक्षा

 

-*-*-*-*-