जालना दि. 19
- खरीप हंगाम 2020- 21 करीता
जिल्ह्यामध्ये बँकांतर्फे पिक कर्ज वाटप सुरु आहे. जागतिक महामारी कोवीड – 19
विषाणु संसर्गाच्या पार्श्वभुमीवर शासनाकडुन देशपातळीवर संचारबंदी घोषीत करण्यात
आलेली आहे. कोरोना विषाणुच्या प्रादुर्भावाच्या अनुषंगाने कोविड -19 या
आजाराचा प्रसार होऊ नये, यासाठी होणा-या गर्दीचे नियमन करण्यासाठी जालना जिल्ह्यातील पिक
कर्जासाठी इच्छुक शेतक-यांनी https://forms.gle/2T19Tth3uQFe5CgS9 या
संकेतस्थळावरील, गुगल लिंकवरील ऑनलाईन अर्ज भरुन पीक कर्ज
मागणी नोंदणी दि. 20 मे 2020 ते 31 मे
2020 या दरम्यान करावी. सदरची लिंक Jalna.nic.in या संकेत
स्थळावर उपलब्ध असुन या लिंकद्वारे नोंदणी केलेल्या शेतक-यांची यादी जिल्हा अग्रणी
बँक शाखेकडून पीक कर्ज घेण्यास पात्र
असणा-या शेतक-यांना लघुसंदेश (SMS) पाठविण्यात येणार
आहे. बँकेमार्फत लघुसंदेश (SMS) प्राप्त झालेल्या शेतक-यांनी
बँकेने दिलेल्या तारखेस त्यांचे आधारकार्ड 7/12, 8 – अ, फेरफार नक्कल, पॅनकार्ड, टोचनकाशा,
पासपोर्ट साईज -2 फोटो, पासबुक या कागदपत्रासह
बँकेत उपस्थित राहावे. अंतिम पीक कर्ज मंजुरी किंवा नामंजुरी बँकेच्या
नियमाप्रमाणे करण्यात येईल. तसेच सर्व राष्ट्रीयकृत, ग्रामीण
व जिल्हा मध्यवर्ती सहकारी बँकेच्या सर्व जिल्हा समन्वयकांनी व शाखाधिकारी यांनी नोंदणी केलेल्या शेतक-यांची
यादी जिल्हा अग्रणी बँक व्यवस्थापक यांचेकडून प्राप्त करुन घ्यावी. त्याअनुषंगाने पीक कर्ज घेण्यास इच्छुक शेतक-यांनी वरील दिलेल्या संकेतस्थळावर, गुगल लिंकवरील फॉर्म भरुन पीक कर्ज मागणी नोंदणी करुन प्रशासनास सहकार्य
करण्याचे आवाहन करण्यात आले आहे.
No comments:
Post a Comment