जालना, दि.31 (जिमाका) :- जिल्ह्यातील सर्व विद्यार्थी व पालकांनी जालना येथील सैनिकी मुलांचे वसतिगृहात वर्ष २०२३ २०२४ साठी आजी, माजी सैनिक व माजी सैनिक विधवांच्या पाल्याकरीता तसेच वसतिगृहामध्ये जागा शिल्लक असल्यास इतर नागरिकांच्या पाल्यांनाही इयत्ता आठवी व त्यापुढील उच्च शिक्षण घेणाऱ्या विद्यार्थ्यासाठी प्रवेश प्रक्रिया सुरू झाली आहे. तरी या संधीचा जास्तीत जास्त आजी, माजी सैनिक व विधवाच्या पाल्यांनी लाभ घ्यावा, असे आवाहन मेजर जिल्हा सैनिक कल्याण अधिकारी डॉ. निलेश प्रकाश पाटील (निवृत्त) यांनी केले आहे.
सैनिकी मुलांच्या वसतिगृहामध्ये जेवणाची व राहण्याची सुविधा असुन शिस्तबध्द वातावरण आहे. वसतिगृहात प्रवेश घेण्यासाठी विहीत नमुन्यातील अर्ज सैनिकी मुलांचे वसतिगृह, जिल्हा क्रीडा संकुलासमोर, जालना येथील वसतीगृह अधिक्षक यांच्याकडे उपलब्ध असून दि. 30 सप्टेंबर 2023 पर्यंत प्रवेश घेण्यास प्राप्त करुन घ्यावेत. वसतिगृहात जालना शहराबाहेर वास्तव्य करणाऱ्या ग्रामीण व इतर भागातील आजी, माजी सैनिक व विधवांच्या पाल्यांना प्रवेश देण्यात येईल. अधिक माहितीसाठी जिल्हा सैनिक कल्याण कार्यालय जालना दुरध्वनी क्रमांक 02482-225201 व वसतिगृहाचे अधिक्षक मोबाईल क्र.8999730746 यांच्याशी संपर्क साधावा, असेही प्रसिदीपत्रकाद्वारे कळविण्यात आले आहे.
-*-*-*-*-
No comments:
Post a Comment