जालना, दि.
17 (जिमाका) :- महाराष्ट्र राज्य तसेच फुटबॉल क्लब
बायर्न यांच्या करारान्वये क्रीडा नैपुण्याचा शोध घेऊन त्यांना जर्मन येथे
प्रशिक्षण देण्यासाठी राज्यात 14 वर्षाखालील मुलांच्या जिल्हास्तरीय एफसी बायर्न
महाराष्ट्र कप स्पर्धां दि. 16 ते 17 फेब्रूवारी 2023 या कालावधीत जालना येथील
जिल्हा क्रीडा संकुलात संपन्न झाल्या.
महाराष्ट्र राज्यात फुटबॉल खेळाच्या विकास व प्रसारासाठी
फुटबॉल क्लब बायर्न म्युनिक, जर्मनी यांच्याशी क्रीडा व युवक सेवा
संचालनालयाच्यावतीने करारनामा करण्यात आला आहे. फुटबॉल क्लब बायर्न म्युनिक,
जर्मनी हा जागतिक अग्रगण्य लोकप्रिय फुटबॉल क्लबांपैकी एक आहे. या करारनाम्यामुळे
राज्यातील फुटबॉल खेळाची लोकप्रियता वाढीस लागेल, खेळाडू व क्रीडा मार्गदर्शक
यांना फुटबॉल खेळातील तांत्रिक प्रशिक्षण, क्रीडा नैपुण्याचा शोध घेण्यासाठी तसेच
योजनाबध्द प्रशिक्षण, पायाभुत सुविधा यांना चालना मिळणार आहे.
प्रथम सेमीफायनल गोल्डन ज्युबली स्कुल, जालना वि.वि. जैन
इंग्लीश स्कुल, अंबड ( 1 -0 ) ने गोल्डन ज्युबली स्कुल, जालना विजयी झाला. द्वितीय
सेमीफायनल ऑक्सफर्ड इंग्लीश स्कुल, जालना वि.वि. सेंट जान्स हायस्कुल, जालना ( 3-
0 ) ने ऑक्सफर्ड इंग्लीश स्कुल, जालना विजयी झाला. अंतिम सामना गोल्डन ज्युबली
स्कुल, जालना वि.वि. ऑक्सफर्ड इंग्लीश स्कुल, जालना ( 3 – 0) ने गोल्डन ज्युबली
स्कुल, जालना विजयी होऊन विभागस्त स्पर्धेस पात्र झाले. सोहम सचदेव यांने 2 गोल तर
विवान बजाज या खेळाडूंने 1 गोल करीत आपल्या संघास विजयी करण्यात मोलाची कामगिरी
केली. या स्पर्धेसाठी पंच म्हणून इम्रान सिध्दिकी, शेख इस्माईल, सय्यद शौकत, गुरू
कावळे इत्यादीने पाहिले. विजयी संघाना ट्रॉफी व मेडल्स प्रदान करण्यासाठी श्री
फिरोज अली मौलाना, श्री मुस्ताक भाई जालना जिल्हा फुटबॉल असोशिएशन, जिल्हा क्रीडा
अधिकारी अरविंद विद्यागर, क्रीडा मार्गदर्शक
महमंद शेख, संतोष वाबळे, इत्यादीच्या हस्ते देण्यात आले. जिल्हा क्रीडा अधिकारी
अरविंद विद्यागर यांच्या मार्गदर्शनाखाली क्रीडा मार्गदर्शक महमंद शेख, संतोष
वाबळे, सोपान शिंदे, जिल्हा क्रीडा प्रशिक्षण केंद्राचे हारूण खान
आदिंनी स्पर्धा यशस्वी करण्यासाठी परिश्रम घेतले. असे
प्रसिध्दीपत्रकाद्वारे कळविण्यात आले आहे.
-*-*-*-*-
No comments:
Post a Comment