छत्रपती शिवाजी महाराज जयंती मिरवणूकीतील वाहनाची तांत्रिक तपासणी करण्याचे आवाहन

जालना, दि. 17 (जिमाका) :-  छत्रपती शिवाजी महाराज जयंती मिरवणूकीत सहभागी होणाऱ्या वाहनधारकांनी वाहन कर, विमा प्रमाणपत्र, रोड  परवाना, चालक अनुज्ञप्ती, वायु प्रदुषण प्रमाणपत्र आदी कागदपत्र सोबत बाळगून जालना येथील आझाद मैदानात दि.19 फेब्रुवारी 2023 रोजी सकाळी 9 ते दुपारी 12 वाजेपर्यंत तर अल्पबचत भवन मैदानात दुपारी 12 ते 3 या वेळेत तपासणी करुन घ्यावी, असे आवाहन उपप्रादेशिक परिवहन अधिकारी, जालना यांनी केले आहे.

छत्रपती शिवाजी महाराज जयंती निमित्ताने जालना शहरात रविवार दि.19 फेब्रुवारी 2023 रोजी मिरवणूक काढण्यात येणार आहे. तरी या मिरवणूकीत सहभागी होणाऱ्या वाहनांची तांत्रिक तपासणी  करुन सदरची वाहने मिरवणूकीत सहभागी होण्यास तांत्रिकदृष्ट्या योग्य  आहेत किंवा नाही याची तपासणी करण्यात येणार आहे. या तपासणीमध्ये मोटार वाहन निरीक्षक श्रीमती ए.आर.जाधव, सहायक मोटार वाहन निरीक्षक  अभिजीत रिळे, सुनिल गिते, प्रियंका छडीदार आणि अश्विनी जोगदंड या अधिकाऱ्यांचा  समावेश करण्यात आला आहे. हे अधिकारी आवश्यक कागदपत्रासह डिझले टँक गळती, वाहनांचे ब्रेक्स यांची काटेकोरपणे तपासणी करतील, असे  उपप्रादेशिक परिवहन अधिकारी, जालना यांनी प्रसिध्दीपत्रकाद्वारे कळविले आहे.

-*-*-*-*-