जालना,
दि.7 (जिमाका) :- जिल्ह्यात सन 2024 मध्ये
विविध धार्मिक सण, उत्सव व उपक्रम संपन्न होणार असून या सण,उत्सावाच्या काळात
ध्वनीक्षेपक व ध्वनीवर्धकाचा वापर शासन निर्णय व ध्वनी प्रदुषण (नियम व नियंत्रण)
नियम 200 च्या नियम 5 (3) नूसार ध्वनीक्षेपक व ध्वनीवर्धकाचा वापर श्रोतेगृहे,
सभागृह, सामुहिक सभागृहे आणि मेजवाणी कक्ष यासारख्या बंद जागेखेरीज इतर ठिकाणी
ध्वनीची विहीत मर्यादा राखून चालु वर्षातील खालील सण / उत्सव व उपक्रमाच्या दिवशी सकाळी 6 ते रात्री 12 वाजेपर्यंत सूट देण्यात आली असल्याचे आदेश
जिल्हाधिकारी डॉ. श्रीकृष्ण पांचाळ यांनी जारी केले आहेत.
सण,
उत्सव व उपक्रमामध्ये शिवजयंती, ईद-ए-मिलाद, डॉ.बाबासाहेब आंबेडकर जयंती, 1 मे
महाराष्ट्र दिन, श्रीकृष्ण जन्माष्टमी (दि. 27 ऑगस्ट 2024) अनुक्रमे एक दिवस तर
गणपती उत्सवासाठी दि. 7 व 17 सप्टेंबर रोजीचे 2 दिवस तसेच नवरात्री उत्सवातील नवमी
आणि दिवाळीतील लक्ष्मीपूजन, ख्रिसमस, 31 डिसेंबर रोजी, जिल्हास्तरीय महासंस्कृती
महोत्सव कार्यक्रमासाठी दि.13, 16 व 17 फेब्रुवारी 2024 रोजी आणि महत्वाच्या कार्यक्रमासाठी राखीव एक दिवस
अशी सुट जाहीर करण्यात आली असल्याचे आदेश निर्गमित करण्यात आले आहे. सण,
उत्सवासाठी ध्वनीक्षेपक व ध्वनीवर्धक वापराबाबतची सुट जिल्ह्यातील शांतता
क्षेत्रासाठी लागू नसून त्याची अंमलबजावणी करण्याची जबाबदारी संबंधित नगरपालिका,
नगर पंचायत, स्थानिक संस्था व ध्वनी प्रदुषण प्राधिकरणाची राहील. असेही आदेशात
नमुद करण्यात आले आहे.
-*-*-*-*-
No comments:
Post a Comment