जालना दि.24 (जिमाका) :-
राज्य निवडणुक आयोग महाराष्ट्र राज्य यांच्या
आदेशानुसार जालना जिल्ह्यातील जालना, परतूर,
अंबड, भोकरदन या चार नगरपरिषदेच्या सार्वत्रिक निवडणुक -2022 मध्ये होणा-या
सार्वत्रिक निवडणुकांसाठी प्रभागांच्या सीमा दर्शविणारी प्रारुप प्रभाग रचना,
प्रभाग दर्शक नकाशे, रहिवाश्यांच्या माहितीसाठी व हरकतीसह सूचना मागविण्यात आल्या
होत्या. सदर चार नगर परिषदांकडे प्राप्त झालेल्या हरकती व सूचना यांचा तपशील
खालीलप्रमाणे आहे.
जालना
नगर परिषद - 31, भोकरदन नगर परिषद – 00, परतूर नगर परिषद – 1,
अंबड नगर परिषद -7, असे एकुण -39. वरीलप्रमाणे
प्राप्त हरकती व सुचनांवर सुनावणीकरीता हरकतीदारांना सुनावणीची लेखी नोटीसा
मुख्याधिका-यांमार्फत देऊन सुनावणी दि. 23 मे 2022 रोजी जिल्हाधिकारी कार्यालयात
उपस्थित राहण्याबाबत कळविण्यात आले होते. त्यानुसार जिल्हाधिकारी
कार्यालय, जालना येथे जिल्हाधिकारी यांनी सुनावणी घेऊन प्रत्येक हरकतीदार/अर्जदार
यांना समक्ष बोलावून त्यांचे हरकतीचे स्वरुप तपासून त्यांना प्रभागांच्या
हद्दीबाबत असलेल्या हरकती संदर्भात गुगल अर्थच्या नकाशावर सध्याचे प्रारुप व
हरकतदाराने प्रभागांच्या हद्दीबाबत प्रोजेक्टरच्या सहाय्याने स्क्रीनवर दाखविण्यात
आले.
वरील
प्राप्त हरकती व सुचनांवर जिल्हाधिकारी यांनी अभिप्राय देऊन राज्य निवडणूक
आयोगाच्या सुचनेप्रमाणे विभागीय आयुक्त, औरंगाबाद व राज्य निवडणुक आयोग, मुंबई
यांच्याकडे माहिती पाठविण्यात येणार असल्याचे जिल्हा प्रशासन अधिकारी, नगर विकास शाखा यांनी प्रसिध्दीपत्रकाद्वारे
कळविले आहे.
-*-*-*-*-*-*-
No comments:
Post a Comment