जिल्हा रुग्णालयांमध्ये "जागतिक किडनी दिवस" साजरा किडनी विकारग्रस्त रुग्णांनी निशुल्क डायलिसीस सेवेचा लाभ घ्यावा जिल्हा शल्य चिकित्सक डॉ. अर्चना भोसले

 

 

           जालना, दि. 15 (जिमाका) :- जिल्हा रुग्णालयांमध्ये आज दि. 15 मार्च रोजी 'जागतिक किडनी दिवस' साजरा करण्यात आला.

            कार्यक्रमाच्या अध्यक्षस्थानी जिल्हा शल्यचिकित्सक डॉ. अर्चना भोसले ह्या होत्या तर प्रमुख अतिथी म्हणून मराठवाड्याचे पहिले किडनी विकार तज्ज्ञ  तथा ज्येष्ठ किडनी विकार तज्ज्ञ डॉ. सुहास बावीकर, सामान्य रुग्णालय जालना, डायलिसिस विभागाचे प्रमुख डॉ. प्रशांत बांदल, अतिरिक्त जिल्हा शल्यचिकित्सक डॉ. राजेंद्र गायके, वैद्यकीय अधिकारी डॉ. सर्वेश पाटील डॉ. आशिष राठोड , डॉ. सुरज तौर, डॉ. अतुल पायाळ, डॉ. संतोष जायभाये, डॉ. पंडित शिरसाट परिचारिका, डायलेसिस तंत्रज्ञ, नर्सिंगच्या विद्यार्थिनी रुग्ण व तसेच रुग्णाचे नातेवाईक उपस्थित होते.

            जिल्हा शल्य चिकित्सक डॉ. अर्चना भोसले यांनी डायलिसिस विभागामार्फत केलेल्या कामाची प्रशंसा करुन विभागामार्फत करण्यात आलेल्या कामाबद्दल समाधान व्यक्त केले. डायलिसिस विभागातील सुविधा निशुल्क असुन किडनी विकार असणाऱ्या रुग्णांनी या सेवेचा लाभ घेण्याचे आवाहन त्यांनी यावेळी केले.

            ज्येष्ठ किडनी विकार तज्ज्ञ डॉ. सुहास बाविकर यांनी किडनी विकार होऊ नये म्हणून घ्यावयाची काळजी, प्रतिबंधात्मक तसेच उपचारात्मक पद्धती आदीबाबत सविस्तर असे मार्गदर्शन केले.

            कार्यक्रमाच्या प्रास्ताविकात डॉ. प्रशांत बांदल म्हणाले, सप्टेंबर 2013 मध्ये सुरु झाले असुन  आतापर्यंत डायलिसिस विभागामध्ये  5 हजार 413 रुग्णांवर डायलिसीस केले आहेत. 1 हजार 500 रुग्णांना डायलिसिस कॅथेटर किंवा सेंट्रल लाईनची सुविधा उपलब्ध करुन दिली असुन 45 रुग्णांना ए व्ही फिस्टुला सर्जरी करण्यासाठी डायलिसिस विभागातर्फे मदत करण्यात आली आहे. तसेच 20 ते 25 रुग्णांना किडनी प्रत्यारोपण शस्त्रक्रियेसाठी प्रवृत्त करुन त्यांना आवश्यक ते सहकार्य केल्याचेही त्यांनी यावेळी सांगितले.

            कार्यक्रमाचे सूत्रसंचालन श्री. राजकिरण वाघमारे (डायलेसिस तंत्रज्ञ) यांनी केले.

             डायलिसिस विभागातील वैद्यकीय अधिकारी डॉ.सर्वेश पाटील डॉ. आशिष राठोड डॉ.सुरज डॉ. अतुल पायाळ, मुख्य परिचारिका श्रीमती जोशी, तंत्रज्ञ श्री राज किरण वाघमारे श्री राहुल शेलार श्रीमती छाया नागरे श्रीमती प्रीती वाघमारे कक्ष सेवक श्री रितेश पारधी यांचा प्रशस्तीपत्रक व पुष्पगुच्छ देऊन सत्कार केला.

            या कार्यक्रमामध्ये किडनी प्रत्यारोपण झालेल्या डॉ. बहुरे, श्री. उघडे श्री. ठाकूर यांनी आपले मनोगत व्यक्त केले.या कार्यक्रमामध्ये त्यांचाही पुष्पगुच्छ देऊन सत्कार करण्यात आला.कार्यक्रमाचे संचलन राजकिरण वाघमारे यांनी केले तर आभार डॉ.सर्वेश पाटील यांनी मानले.

            कार्यक्रम यशस्वी करण्यासाठी वैद्यकीय अधिकारी डॉ.सर्वेश पाटील डायलेसिस तंत्रज्ञ श्री राज किरण वाघमारे, श्री राहुल शेलार, श्री. रितेश पारधे यांनी परिश्रम घेतले.

-*-*-*-*-*-*-*-