दिव्यांग पुनर्वसन केंद्र चालवण्यास इच्छुक संस्थांनी अर्ज सादर करण्याचे आवाहन

  

     जालना दि.23 (जिमाका) :-   ज्या स्वयंसेवी संस्था दिव्यांग पुनर्वसन केंद्र चालविण्यास इच्छुक आहेत अशा स्वयंसेवी संस्थांनी जिल्हा समाज कल्याण अधिकारी, जिल्हा परिषद जालना यांचे कार्यालयास बातमी प्रसिध्द झाल्यापासुन सात दिवसांत प्रस्ताव सादर करण्याचे आवाहन सदस्य सचिव तथा जिल्हा समाज कल्याण अधिकारी जिल्हा परिषद जालना यांनी  केले आहे.

 

 

अर्ज सादर करण्यासाठी अटी व शर्ती

       संस्थेकडे दिव्यांग क्षेत्रात कार्य करणे बाबत सक्षम प्राधिकारी तथा आयुक्त दिव्यांग कल्याण आयुक्तालय, महाराष्ट्र राज्य पुणे यांचे कार्यालयाकडुन नोंदणी प्रमाणपत्र असणे आवश्यक तथा बंधनकारक आहे.

    संस्थेला महाराष्ट्र राज्यात जिल्हा दिव्यांग पुनर्वसन केंद्र (DDRC) चालविण्याचा अनुभव असावा.

   संस्थेने यापूर्वी महाराष्ट्र राज्यात दिव्यांग व्यक्तीना कृत्रिम अवयव व साहित्य साधने वाटप शिबीरे आयोजित

करण्याचा किमान पाच वर्षांचा अनुभव असावा.

      संस्थेकडे दिव्यांग व्यक्तीना कृत्रिम अवयव व साहित्य साधने वाटप व तालुकास्तरीय मोजमाप शिबीराचे आयोजन करण्याकरीता स्वतःच्या मालकीचे अद्यावत मोठे वाहन असावे. केंद्र शासनाकडून अनुदान  न मिळाल्यास संस्थेने स्वनिधीतुन योजना राबविण्यासाठी संस्थेकडे किमान रक्कम रुपये 25 लक्ष बॅंक बॅंलन्स राष्ट्रीयकृत बँकेमध्ये असावा.

    अनुदान न मिळाल्यास संस्था स्वबळावर प्रकल्प राबवेल या बाबतचे रक्कम 100 रुपयांच्या बंधपत्रावर हमी पत्र.

    संस्थेकडे पॅरामेडीकल व पुनर्वसन क्षेत्रातील तज्ञ (भौतिकोपचार तज्ञ, स्पीच थेरपिस्ट क्लिनिकल सायकॉलॉजिस्ट) व इतर कर्मचारी असणे आवश्यक आहे.संस्थेचे मागील 3 वर्षाचे ऑडीट रिपोर्ट.

    जिल्हा दिव्यांग पुनर्वसन केंद्र (DDRC) चे प्राप्त प्रस्तावाबातचे अधिकार जिल्हा दिव्यांग पुनर्वसन समितीने राखुन ठेवले आहेत.असे  सदस्य सचिव तथा जिल्हा समाज कल्याण अधिकारी जिल्हा परिषद जालना यांनी प्रसध्दिीपत्रकाद्वारे कळविले आहे.

-*-*-*-*-*-

वृत्त क्र. 252                                                                                                                                 दि. 23.3.2022

 

व्हॉलीबॉल खेळाच्या कौशल्य वृध्दी व गुणवंत खेळाडू शोध घेण्यासाठी प्रशिक्षण

     जालना दि.23 (जिमाका) :-  संचालनालयाव्दारा व्हॉलीबॉल खेळ व खेळाडू यांच्या भवितव्याचा विचार करुनच खेळाडू शोध प्रक्रीयेतून 16 वर्षाखालील 30 मुलांसाठी 20 दिवसांचे प्रशिक्षण शिबीराचे आयोजन शिवछत्रपती क्रीडा संकुल,  म्हाळुंगे- बालेवाडी पुणे येथे एप्रिल व मे 2022  मध्ये करण्यात येणार आहे.

   तसेच या प्रशिक्षण शिबीरासाठी पी.सी. पांडियन, आंतरराष्ट्रीय प्रशिक्षक तामिळनाडू यांचे मार्गदर्शन व प्रशिक्षण मिळणार आहे. विविध स्पर्धामध्ये खेळण्याची संधी उपलब्ध होऊन, भविष्यात या खेळाडूंना परदेशी प्रशिक्षकांचे मार्गदर्शन व प्रशिक्षणाची संधी उपलब्ध होऊ शकेल.

      खालील निकषाप्रमाणे पात्र खेळाडूंनी या सुवर्ण संधीचा फायदा घेऊन आपले क्रीडा नैपुण्य दाखवून, या प्रशिक्षणामध्ये सहभागी होऊन आपल्या जिल्हयाचे नाव वृध्दींगत करावे.

खेळाडू पात्रता निकष (16 वर्षाआतील मुले)

   खेळाडुचे वय 1 जानेवारी 2023 रोजी 16 वर्षाखालील असावे दि. 1 जानेवारी 2007 रोजी किंवा त्यानंतरचा जन्म.

खेळाडुची उंची किमान 6 फुट असावी.खेळाडु शाळेत शिकत असलेली किंवा नसलेला तसेच जालना जिल्ह्यातील असावा. सन 2010-20 मध्ये व्हॉलीबॉल खेळाच्या जिल्हा, विभाग व राज्य स्पर्धेत प्रथम चार क्रमांकाच्या शाळेतील खेळाडू या वयोगटामध्ये असल्यास परंतु उंचीची किमान 6 फुट अट पूर्ण करणे आवश्यक आहे. प्रत्येक जिल्ह्यातुन सेंटर ॲट कर युनिर्व्हसल, ब्लॉकर या स्थानाप्रमाणे, खेळाडूच्या खेळातील जागा यानुसार निवड होईल.

 

उल्लेखित पात्रता निकषानुसार मुख्याध्यापकांना आपल्या शाळेतील, संस्थेतील, विद्यालयातील किंवा संपर्कातील व्हॉलीबॉल खेळातील इच्छुक व पात्र खेळाडूंची निवड करण्यासाठी पुढीलप्रमाणे आयोजित निवड चाचणीसाठी उपस्थित राहणेस सूचित करण्यात यावे.

व्हॉलीबॉल खेळाडू निवड चाचणी कार्यक्रम

 खेळाचे नाव व वयोगट व्हॉलीबॉल 16 वर्षाआतील मुले, निवड चाचणी दिनांक दि. 25 मार्च 2022, निवड चाचणी उपस्थिती दिनांक व वेळ दि. 25 मार्च 2022 वेळ सायंकाळी 5 वाजता, निवड चाचणी आयोजन ठिकाण दत्ताजी भाले हायस्कुल, अंबड ता. अंबड जि. जालना, अधिक माहितीसाठी जिल्हा क्रीडा अधिकारी कार्यालय जालना येथे संपर्क करण्याचे आवाहन जिल्हा क्रीडा अधिकारी जालना यांनी प्रसिध्दीपत्रकाद्वारे केले आहे.

-*-*-*-*-*-