जालना, दि. 24 (जिमाका)
:- बसस्थानक जालना येथून अनोळखी वृध्द पुरुष अंदाजे वय 55 ते 60
वर्ष यास बेशुध्द अवस्थेत सामान्य रुग्णालय जालना येथे औषधोपचारासाठी दाखल करण्यात आले होते. परंतू जिल्हा वैद्यकीय
अधिकारी श्रीमती डॉ. कराडकर यांनी अनोळखी
इसमाची तपासणी केली असता तो मयत झाल्याचे सांगितले. एमएलसी रिपोर्टवरुन सदर बाजार
पोलिस ठाण्यात आ.मृ.क्र.8/2023 कलम 174 सीआरपीसीप्रमाणे दाखल केला असून या अनोळखी
इसम पुरुष जातीचा वय 55 ते 60 वर्षादरम्यानचा आहे. अंगात भुरकट रंगाचा लांब बाह्याचा
शर्ट व काळ्या रंगाची लुंगी आहे. यास टक्कल पडलेले असून दाढीचे काळे पांढरे केस
तसेच लांब वाढलेली आहे. नाक सरळ, रंग गोरा असून शरीर बांध सडपातळ आहे. तरी या
इसमाची ओळख पटविण्यासाठी आवाहन पोलिस निरीक्षक, सदर बाजार, जालना यांनी
प्रसिध्दीपत्रकाद्वारे केले आहे.
-*-*-*-*-
No comments:
Post a Comment