जालना दि. 30
(जिमाका) :- दि. 1 डिसेंबर हा जागतिक एड्स दिन म्हणुन साजरा केला
जातो युवा वर्ग हा एचआयव्ही/एड्स संदर्भात अधिक संवेदनशील असून या निमित्ताने युवा
वर्गामध्ये एचआयव्ही/एड्स संदर्भात जनजागृती निर्माण करणे आवश्यक आहे. यानिमित्ताने
महाराष्ट्र राज्य एड्स नियंत्रण संस्था मुंबई अंतर्गत जिल्हा एड्स प्रतिबंध व
नियंत्रण पथक (डापकु) कडुन जागतिक एड्स दिनानिमित्त प्रभात फेरीचे आयोजन दि. 1
डिसेंबर 2022 रोजी सामान्य रुग्णालय, जालना येथे सकाळी 9.00 वाजता करण्यात आले
आहे. प्रभातफेरीचे उदघाटन जिल्हाधिकारी डॉ.विजय राठोड यांच्या हस्ते करण्यात येणार
आहे. या प्रभात फेरीमध्ये जास्तीत जास्त महाविद्यालयातील विद्यार्थी व
विद्यार्थ्यीनींनी सहभाग नोंदविण्याचे आवाहन जिल्हा एड्स प्रतिबंध व नियंत्रण पथक
(डापकु), सामान्य रुग्णालय यांनी प्रसिध्दीपत्रकाद्वारे केले आहे.
-*-*-*-*-
No comments:
Post a Comment