महात्मा जोतिराव फुले शेतकरी कर्जमुक्ती योजना 2019
खातेदारांनी बँक खाती आधार क्रमांकाशी संलग्न करुन घ्यावीत
जालना दि.23- महात्मा जोतिराव फुले शेतकरी
कर्जमुक्ती योजना 2019 योजनेची जिल्हयात अंमलबजावणी सुरु करण्यांत आली आहे. दि. 7 जानेवारी 2019 रोजी सर्व बँकस्तरावर ज्या खातेदारांची बँक खाती आधार क्रमांकाशी संलग्नीत
केलेली नाही अशा खातेदारांच्या यादया बँक शाखा, ग्रामपंचायत कार्यालय व विविध
कार्यकारी सेवा सहकारी संस्थेचे कार्यालय येथे लावण्यांत आलेल्या आहेत. जिल्हयातील आधार क्रमांक संलग्न नसलेल्या खातेदारांची संख्या 31 हजार 544
इतकी असुन आतापर्यंत एकुण 23 हजार 17 इतक्या खातेदारांनी त्यांचे बँक
खाते आधार संलग्न करण्यात आलेली आहेत. जिल्हयातील एकुण 8 हजार 527 खाती आधार संलग्न होणे बाकी आहेत. यामध्ये प्रामुख्याने जिल्हा मध्यवर्ती सहकारी
बँक 1 हजार 912, एस. बी. आय. 2 हजार 234, बॅंक ऑफ महाराष्ट्र 872, महाराष्ट्र
ग्रामिण बँक 735, युनियन बँक ऑफ इंडीया 1 हजार 164, बँक ऑफ बडोदा 529 , सिंडीकेट बँक 280 , सेंट्रल बँक ऑफ इंडीया 142 तर बँक ऑफ इंडीया 332 यांचा समावेश आहे.
ज्या खातेदारांची बँक खाती आधार क्रमांकाशी संलग्नीत केलेली नाहीत, अशा खातेदारांनी तात्काळ त्यांचे आधार क्रमांक
त्यांचे बँक खात्याशी संलग्नीत करण्यासाठी संबधीत बँकेशी संपर्क साधावा व महात्मा
जोतिराव फुले शेतकरी कर्जमुक्ती योजना 2019 चा लाभ घ्यावा, असे आवाहन जिल्हा उपनिबंधक सहकारी संस्था, जालना यांनी
प्रसिद्धी पत्रकाद्वारे केले आहे.
No comments:
Post a Comment