डॉ. बाबासाहेब आंबेडकर भवन येथे करिअर गाईडन्स शिबीर संपन्न

जालना – जिल्ह्यातील अनुसूचित जातीमधील इयत्ता 10 वी मध्ये 85 टक्क्यापेक्षा अधिक गुण मिळविणाऱ्या विद्यार्थ्यांसाठी करिअर गाईडन्स शिबीर अपर जिल्हाधिकारी प्रकाश खपले यांच्या उपस्थितीमध्ये डॉ. बाबासाहेब आंबेडकर भवन येथे नुकतेच संपन्न झाले.

            या शिबीरास प्रमुख अतिथी म्हणून निवासी उपजिल्हाधिकारी राजेश इतवारे तसेच रिलायबल ॲकॅडमी, औरंगाबादचे धनंजय आकात हे उपस्थित होते.

            यावेळी औरंगाबाद येथील रिलायबल ॲकॅडमीचे धनंजय आकात यांनी उपस्थित विद्यार्थ्यांना करिअरबाबत विस्तृत असे मार्गदर्शन केले.  यावेळी अपर जिल्हाधिकारी प्रकाश खपले, निवासी उपजिल्हाधिकारी राजेश इतवारे यांनीही विद्यार्थ्यांना प्रशासकीय सेवेत असलेल्या संधी याबाबत मार्गदर्शन केले.

            कार्यक्रमाचे प्रास्ताविकात सहाय्यक आयुक्त बी.ए. शिंदे यांनी शिबीर आयोजनामागचा उद्देश विषद केला.  कार्यक्रमाचे सुत्र संचलन तालुका समन्वयक मनिषा आतकरे यांनी केले तर आभार विशेष अधिकारी वाय.आय. गायकवाड यांनी मानले.

            कार्यक्रमाची सुरुवात महात्मा ज्योतिबा फुले व डॉ. बाबासाहेब आंबेडकर यांच्या प्रतिमेस पुष्पहार अर्पण करुन करण्यात आली. 

            कार्यक्रमास विद्यार्थी, विद्यार्थीनी तसेच समाजकल्याण विभागातील अधिकारी, कर्मचारी उपस्थित होते.

*******