जालना– क्रीडा व युवक सेवा संचालनालय,पुणे अंतर्गत जिल्हा क्रीडा
अधिकारी कार्यालय, जालना व जिल्हा क्रीडा परिषद, जालना यांच्या संयुक्त विद्यमाने
26 ते 30 जुलै,2016 या कालावधीत सुब्रतो मुखर्जी फुटबॉल व शालेय फुटबॉल क्रीडा स्पर्धेचे
आयोजन करण्यात आले आहे. सुब्रतो मुखर्जी फुटबॉल
स्पर्धेत 15 वर्षाखालील मुले व 17 वर्षाखालील मुले, मुली तसेच शालेय फुटबॉल स्पर्धेत
14,17 व 19 वर्षाखालील मुला-मुलींचा सहभाग असणार आहे.
दि. 26 जुलै रोजी
15 वर्षाखालील मुलांसाठी तर 27 जुलै रोजी 17 वर्षाखालील मुला-मुलींसाठी सुब्रतो मुखर्जी
फुटबॉल स्पर्धा, 28 जुलै रोजी 14 वर्षाखालील मुला-मुलींसाठी, 29 जुलै रोजी 17 वर्षाखालील
मुला-मुलींसाठी तर 30 जुलै, 2016 रोजी 19 वर्षाखालील मुला-मुलींसाठी शालेय फुटबॉल स्पर्धेचे
आयोजन करण्यात आले आहे. या सर्व स्पर्धा रेल्वेस्टेशन
मैदान, रेल्वेस्टेशन जवळ, जालना येथे होणार असून
जिल्ह्यातील इच्छुक शाळा, कनिष्ठ महाविद्यालयांनी त्यांचे संघ वेळापत्रकानुसार
स्पर्धेच्या ठिकाणी प्रवेश अर्ज, ओळखपत्र, खेळाचे गणवेश व संघ व्यवस्थापकासह उपस्थित
रहावे, असे आवाहन जिल्हा क्रीडा अधिकारी, जालना यांनी प्रसिद्धी पत्रकाद्वारे केले
आहे.
*******
No comments:
Post a Comment