जलयुक्त शिवार अभियानामुळे पन्नास हजार हेक्टर क्षेत्र सिंचनाखाली पाणी पातळीत दीड मिटरने वाढ: लोकसहभागाचाही झाला फायदा

जालना - दुष्काळी परिस्थितीवर कायमस्वरुपी मात करण्यासाठी शासनाने हाती घेतलेल्या जयलुक्त शिवार अभियानाचे जालना जिल्हयातील दुष्य परिणाम अशादायी आहेत. मागिल आठवडयात झालेल्या दमदार पावसामुळे जलयुक्त शिवाराअंतर्गत झालेल्या बहुतांश कामामध्ये पाणी साचले आहे. जिल्हयातील आज घडीला 49 हजार 550 हेक्टर क्षेत्र सरक्षित सिंचनाखाली आले आहे. 
जलयुक्तच्या पहिल्या टप्यात निवडलेल्या 212 गावामध्ये सिमेंट नाला बांध, नाला खोलीकरण, रुंदीकरण, गाळ काढणे, बांधबंदिस्ती, सलग समतल चर, नदी खोलीकरण, या सारखी 3 हजार 558 कामे पूर्ण करण्यात आली असून शासकीय यंत्रणा व लोकसहभागातून 55 लाख 89 हजार घनमिटर गाळ उपसा करण्यात आला असून 228 किलोमिटर नाल्याचे खोलीकरण करण्यात आले आहे. 
वर्ष 2016-17 मध्ये जलयुक्त शिवारअंतर्गत 186 गावे निवडलेली असून आतापर्यंत 329 कामे पूर्ण झाली असून 173 कामे प्रगती पथवार आहेत. 14 लाख 9 हजार घनमिटर गाळ उपसा करण्यात आला आहे. या कामामध्ये 49 हजार 550 टीसीएम एवढा पाणी साठा होणार आहे. या महिन्यात जिल्हयातील अनेक भागात पावसाने समाधान कारक हजेरी लावल्यामुळे जलयुक्तची कामे झालेल्या गावाच्या परिसरात कोरडया पडलेल्या विहीरींना पाणी आले आहे. त्यामुळे उन्हाळयात जिल्हयात साडे सहाशेवर वर पिण्याच्या पाण्यासाठी टँकर लावण्यात आले होते. ती संख्या आता कमी होऊन आज रोजी 67 टँकरवर आली आहे. 
जिल्हयातील जलयुक्तची फलश्रुती
निर्माण झालेला पाणी साठा: 49,550 टीसीएम
पाणी पातळीत झालेली वाढ: दीड मिटर
नाला खोलीकरणाची कामे: 288.09 कि.मी.
काढलेला गाळ: 55 लाख 89 हजार घनमिटर
लोकसहभागाची रक्कम :14 कोटी 44 लाख
जलयुक्त शिवार अभियान ही एक लोकचळवळ बनली असून जिल्हा प्रशासन व जिल्हयाचे पालकमंत्री बबनराव लोणीकर तसेच महाराष्ट राज्य विधीमंडळाच्या अंदाज समितीचे अध्यक्ष तथा सध्या कार्यरत असलेले पशुसंवर्ध, दुग्धव्यवसाय राज्यमंत्री अर्जुनराव खोतकर यांच्या विशेष प्रयत्नाने लोकसहभागातून सुमारे साडे 14 कोटींची कामे झाली असून या पुढील काळात निवडलेल्या गावांमध्ये मोठया प्रमाणात कामे केली जाणार आहेत. जिल्हयातील दुष्काळी परिस्थितीवर मात करण्याचे काम जलयुक्तमुळे शक्य होत आहे. जिल्हा कृषी अधीक्षक तथा सदस्य सचिव जलयुक्त शिवार अभियान चे दशरथ तांबोळे यांनी नमुद केले.