बदनापूर येथील अनुसूचित जाती व नवबौध्द मुलांच्या शासकीय निवासी शाळेतील प्रवेश सुरु

 

              

जालना, दि.3 (जिमाका) :- शासनाच्या सामाजिक न्याय व विशेष सहाय्य विभागातंर्गत समाज कल्याणच्या अधिनस्त असलेल्या बदनापूर येथील अनुसूचित जाती व नवबौध्द मुलांच्या शासकीय निवासी शाळेतील शैक्षणि वर्ष 2025-26 साठी प्रवेश देणे सुरु झाले आहे.

इयत्ता सहावीसाठी 40 जागा व सातवी ते दहावीच्या वर्गातील रिक्त असलेल्या संवर्गानूसार रिक्त जागेवर प्रवेश पात्र इयत्ता सहावी ते दहावीमध्ये शिक्षण घेत असलेल्या अनुसूचित जाती, जमाती, विमुक्त जाती, भटक्या जमाती, विशेष मागास प्रवर्ग व दिव्यांग प्रवर्गातील विद्यार्थ्यांनी दि.25 जुन 2025 पर्यंत मुख्याध्यापकांशी संपर्क साधून आपला प्रवेश अर्ज भरुन द्यावा, असे आवाहन बदनापूर शासकीय निवासी शाळेचे मुख्याध्यापक डॉ.दिलीप गिरी यांनी प्रसिध्दीपत्रकाद्वारे केले आहे.

-*-*-*-*-