शेतकऱ्यांच्या खात्यात 5 हजारांची अग्रिम मदत जमा होण्यास सुरुवात

जालना,दि.2(जिमाका) : राज्य शासनाने दुष्काळग्रस्त भागातील शेतकऱ्यांसाठी महत्वपुर्ण निर्णय घेतला असून, त्यांच्या खात्यात पाच हजार रुपयांची अग्रिम मदत जमा होण्यास सुरुवात झाली आहे. जालना जिल्हा प्रशासनाने अशा शेतकऱ्यांची यादी अपलोड केली आहे, ज्यांना थेट डीबीटी (DBT) द्वारे 5 हजार रुपयांची आगाऊ रक्कम दिली जाणार आहे. राज्य शासनाने आजपासून शेतकऱ्यांच्या खात्यात पैसे पाठवण्यास सुरुवात केली आहे.

यात जिल्ह्यातील जालना तालुक्यातील 91 हजार 226 शेतकरी तर बदनापुर तालुक्यातील 64 हजार 678, भोकरदन तालुक्यातील 1 लाख 33 हजार 899, जाफ्राबाद तालुक्यातील 70 हजार 635, परतुर तालुक्यातील 51 हजार 226, मंठा तालुक्यातील 64 हजार 888, अंबड तालुक्यातील 91 हजार 200 आणि घनसावंगी तालुक्यातील 77 हजार 205 असे जिल्ह्यातील एकुण 6 लाख 44 हजार 957 शेतकऱ्यांच्या खात्यात पैसे पाठवण्यास सुरुवात झाली आहे.        

दिवाळीच्या सणापूर्वीच ही रक्कम शेतकऱ्यांच्या बँक खात्यात जमा होण्यास सुरुवात झाल्याने, त्यांना मोठा दिलासा मिळणार आहे. दुष्काळामुळे शेतीचे झालेले नुकसान आणि आर्थिक अडचणींना तोंड देत असलेल्या शेतकऱ्यांसाठी ही 5 हजार रुपयांची अग्रिम मदत राज्य शासनाकडून तातडीने दिली जात आहे. या निर्णयामुळे शेतकरी बांधवांना दिवाळी सण साजरा करण्यासाठी आणि दैनंदिन गरजा पूर्ण करण्यासाठी हातभार लागणार आहे. जिल्ह्यात या अग्रिम मदतीची अंमलबजावणी वेगाने सुरू झाली असल्याची माहिती प्रभारी जिल्हाधिकारी रमेश मिसाळ यांनी दिली आहे.

 

 

****

 

 

 

 

पालकमंत्री पंकजा मुंडे यांचा जालना जिल्हा दौरा कार्यक्रम

 

      जालना,दि.2(जिमाका) : राज्याच्या पर्यावरण व वातावरणीय बदल, पशुसंवर्धन मंत्री तथा जालना जिल्ह्याच्या पालकमंत्री पंकजा गोपीनाथ मुंडे या जालना जिल्ह्याच्या दौऱ्यावर येत असून त्यांचा दौऱ्यातील कार्यक्रम पुढीलप्रमाणे असणार आहेत.

पालकमंत्री मुंडे यांचे मंगळवार दि. 3 नोव्हेंबर 2026 रोजी सकाळी 10.30 वाजता वरुडी ता. बदनापूर येथील शिंदे सिल्क इंडस्ट्रीज प्रा.लि. भेट देवून पाहणी करतील. सकाळी 11.00 वाजता जालना शहराकडे आगमन करतील. सकाळी  11.30 वाजता जालना महानगरपालिकेच्या हुतात्मा स्मारक लायब्ररी, टाऊन हॉल लायब्ररी, ग्लो गार्डन व नेहरु उद्यान भूमिपुजन कार्यक्रमास उपस्थित राहतील. दुपारी 12.30 वाजता जालना महानगरपालिका कार्यालयाकडे रवाना होतील. दुपारी 12.30 वाजता जालना महापालिका विविध विकास कामांचा व पाणी टंचाई आढावा बैठकीस उपस्थित राहतील. स्थळ- जालना महानगरपालिका सभागृह. दुपारी  1.30 ते  2.20 राखीव दुपारी 2.25 वाजता जिल्हाधिकारी कार्यालयाकडे प्रयाण करतील. दुपारी 2.30 वाजता जिल्ह्यातील दुष्काळ  परिस्थिती व पाणी टंचाई आढावा बैठकीस उपस्थित राहतील. दुपारी 3.35 वाजता जिल्हा रेशीम कार्यालयाकडे प्रयाण करतील. दुपारी 3.45 वाजता रेशीम कोष बाजारपेठेला भेट देवून पाहणी करतील. स्थळ जिल्हा रेशीम कार्यालय, जालना तसेच दुपारी 4.20 वाजता परळी वैजनाथ जि. बीडकडे प्रयाण करतील.

                   

-*-*-*-*-*-

कै. वसंतराव नाईक शेती स्वावलंबन मिशनचे ॲड निलेश हेलोंडे यांचा जालना जिल्हा दौरा कार्यक्रम

 

 

 

जालना,दि.2 (जिमाका): कै. वसंतराव नाईक शेती स्वावलंबन मिशनचे राज्यमंत्री दर्जा तथा जालना जिल्ह्याच्या ॲड निलेश हेलोंडे या जालना जिल्ह्याच्या दौऱ्यावर येत असून त्यांचा दौऱ्यातील कार्यक्रम पुढीलप्रमाणे असणार आहेत.

ॲड श्री. हेलोंडे हे बुधवार दि. 4 नोव्हेंबर, 2026 रोजी दुपारी 5.00 वाजता तहसिलदार बदनापूर यांनी निश्चित केलेल्या शेतकरी आत्महत्याग्रस्त कुटूंबास भेट देतील. सायंकाळी 6.00 वाजता छत्रपती संभाजीनगरकडे प्रयाण करतील.          

-*-*-*-*-*-