दिनांक 21 जून आंतरराष्ट्रीय योग दिन आयोजन

 

 

जालना,दि.19 (जिमाका) : मा. पंतप्रधान महोदयांनी सन 2014 च्या राष्ट्रीय महासभेत  दि.21 जुन हा दिवस आंतरराष्ट्रीय योग दिन म्हणुन दरवर्षी साजरा करण्याचा ऐतिहासिक निर्णय घेतलेला आहे. दि. 21 जुन 2025 रोजी जागतिक योग दिन दिनाचे औचित्य साधुन संपुर्ण राज्यभर सामुहिक योग शिबीर प्रात्यक्षिकाचे आयोजन करण्यात येत आहे.

जिल्ह्यातील मुख्यालयाच्या ठिकाणी जिल्हा प्रशासन, जिल्हास्तर योग समिती, जिल्हा क्रीडा अधिकारी कार्यालय, शिक्षणाधिकारी (प्राथमिक, माध्यमिक) जिल्हा परिषद, जालना, क्रीडा भारती, जिल्हा योग संघटना जालना, आयुष विभाग जालना, जिल्हा युवा अधिकारी, नेहरू युवा केंद्र, विविध योग संघटना, जिल्हा स्काऊट गाईड, तंत्र निकेतन महाविद्यालय व जिल्हा एकविध क्रीडा संघटना, विविध क्रीडा मंडळे यांच्या संयुक्त विद्यमाने दि. 21 जुन 2025 रोजी सकाळी 6.30 वाजता जिल्हा क्रीडा संकुल, जालना येथे सामुहिक योगा व प्रात्यक्षिकाचे आयोजन करण्यात आले आहे. सदर योग प्रात्यक्षिकासाठी येताना पांढरा सुटसुटीत ड्रेस असावा, सोबत मॅट/सतरंजी, पाणी बॉटल व नॅपकीन असावा.

दि. 21 जुन 2025 रोजी सकाळी 6.30 वाजता जिल्हा क्रीडा संकुल, जालना येथे सामुहिक योगा व प्रात्यक्षिकासाठी जिल्हयातील जास्तीत जास्त अधिकारी कर्मचारी, खेळाडू, क्रीडा संघटक, क्रीडा प्रेमी, युवक युवती यांनी सहभागी व्हावे असे आवाहन संजय गाढवे, जिल्हा क्रीडा अधिकारी, जालना यांनी केले आहे. अधिक माहितीसाठी श्री. सिध्दार्थ कदम क्रीडा मार्गदर्शक, मो.नं.8975333594, श्री. आशिष जोगदंड क्रीडा मार्गदर्शक, मो.नं.8888346828, श्रीमती लता लोंढे, क्रीडा अधिकारी मो.नं.9850333326 श्रीमती आरती चिल्लारे, क्रीडा अधिकारी मो.नं.7758863991  यांना संपर्क साधावा.

-*-*-*-*-*-*-