कुष्ठरोग शोध मोहीम प्रभावीपणे राबवा – मिन्नू पी.एम.

 

जिल्हाधिकारी कार्यालयात 'वंदे मातरम' गीताचे सामूहिक गायन

  

 जालना, दि.7 (जिमाका) :-  वंदे मातरम या गीतास आज (दि.7) रोजी 150 वर्षे पुर्ण होत आहेत. सर्व जनमानसात देशभावना जागृत होण्यासाठी या गीताने महत्वाची भुमिका बजावलेली आहे. त्यानिमित्ताने आज जिल्हाधिकारी कार्यालयात वंदे मातरम या गीताचे सामुहिक गायन जिल्हाधिकारी आशिमा मित्तल यांच्या प्रमुख उपस्थितीत पार पडले. या कार्यक्रमास उपजिल्हाधिकारी नम्रता चाटे यांच्यासह शासनाच्या सर्व विभागातील शासकीय व निमशासकीय अधिकारी-कर्मचाऱ्यांची वंदे मातरम या गीताच्या सामुहिक गान प्रसंगी उपस्थिती होती.

-*-*-*-*-

वृत्त क्र.                                                                              दि. 7 नोव्हेंबर, 2025

 

राज्य अनुसूचित जाती आयोगाचे सदस्य गोरक्ष लोखंडे यांचा दौरा

 

 

जालना, दि.7 (जिमाका) :- महाराष्ट्र राज्य अनुसूचित जाती आयोगाचे सदस्य ( सचिव दर्जा) गोरक्ष लोखंडे हे सोमवार दि.10 नोव्हेंबर 2025 रोजी जालना जिल्ह्याच्या दौऱ्यावर येत असून त्यांचा दौऱ्यातील कार्यक्रम पुढीलप्रमाणे आहे.

सोमवार दि.10 नोव्हेंबर 2025 रोजी शासकीय विश्रामगृह जालना येथे आगमन. सकाळी 11 वाजता जालना महापालिका सभागृहात महापालिका आयुक्त यांना प्राप्त होणाऱ्या महसूलाच्या एकुण 5 टक्के निधी आस्थापना, वजा खर्च, आर्थिक दुर्बल घटकावर केलेल्या खर्चाची मागील 5 वर्षाचा आढावा व का माची तपासणी तसेच अनुसूचित जातीसाठी प्राप्त होणाऱ्या निधीबाबत आढावा आणि तपासणी, लाड पागे, दलितवस्ती, अण्णाभाऊ साठे सुधार योजना व अनुकंपाबाबत आढावा बैठकीस उपस्थिती. दुपारी 1 वाजता शासकीय विश्रामगृह येथे सार्वजनिक बांधकाम विभागाचे मुख्य अभियंता यांच्यासोबत आढावा बैठकीस उपस्थिती. दुपारी 2 वाजता राखीव. दुपारी 3 वाजता जिल्हाधिकारी कार्यालयात जिल्हाधिकारी यांच्या समवेत संविधान 5 निधीबाबत आढावा बैठकीस उपस्थिती. दुपारी 4 वाजता शासकीय विश्रामगृह येथे जिल्हा क्रिडा अधिकारी यांच्यासोबत आढावा बैठक घेतील. सोईनूसार जालना येथून वाहनाने पुणेकडे प्रयाण करतील.

-*-*-*-*-

वृत्त क्र.                                                                              दि. 7 नोव्हेंबर, 2025

 

कुष्ठरोग शोध मोहीम प्रभावीपणे राबवा – मिन्नू पी.एम.

 

·         17 नोव्हेंबर ते 02 डिसेंबर या कालावधीत होणार घरोघरी सर्वेक्षण

 

·         समाजात जनजागृती करण्याचे आवाहन

 

जालना, दि. 7 (जिमाका) : राष्ट्रीय कुष्ठरोग निर्मुलन कार्यक्रमांतर्गत जिल्ह्यात 17 नोव्हेंबर ते 02 डिसेंबर या कालावधीत कुष्ठरुग्ण शोध मोहीम राबविण्यात येणार आहे. ही मोहीम प्रभावीपणे राबवून जिल्ह्यातील कुष्ठरुग्ण, क्षयरुग्ण निर्मुलन करण्याच्या दृष्टीने कृती आराखडा तयार करण्याच्या सूचना जिल्हा परिषदेच्या मुख्य कार्यकारी अधिकारी श्रीमती मिन्नू पी.एम. यांनी आज आरोग्य यंत्रणेतील अधिकाऱ्यांना दिल्या.

 

जिल्हाधिकारी कार्यालयात संयुक्त कुष्ठरोग शोध अभियान 2025 संदर्भात जिल्हास्तरीय समन्वय समितीची बैठक पार पडली. यावेळी श्रीमती. मिन्नू पी.एम. बोलत होत्या. यावेळी जिल्हा शल्यचिकित्सक डॉ. राजेंद्र पाटील, जिल्हा आरोग्य अधिकारी डॉ. जयश्री भुसारे, आरोग्य सेवा (कुष्ठरोग) विभागाचे सहायक संचालक डॉ. सुधाकर शेळके आदींची यावेळी उपस्थिती होती.

 

श्रीमती मिन्नू म्हणाल्या की, समाजात क्षयरोग कुष्ठरोगाविषयी मोठ्याप्रमाणात जनजागृती करावी, निदान न झालेल्या कुष्ठरुग्णांना लवकरात-लवकर शोधून त्यांच्यावर त्वरीत औषधोपचार सुरु करावा. नवीन संसर्गिक कुष्ठरुग्ण शोधून औषधोपचारांद्वारे कुष्ठरोग संसर्गाची साखळी खंडित करुन होणारा प्रसार कमी करावा. कुष्ठरुग्णांमध्ये विकृतीचे प्रमाण कमी करावे. तसेच क्षयरोगाची लक्षणे असणाऱ्या व्यक्तींचा शोध घेण्यात यावा. संशयित क्षयरुग्णाचे थुंकी नमुने व एक्स-रे तपासणी तसेच आवश्यकतेनुसार इतर तपासणी करुन क्षयरोगाचे निदान करावे आणि औषधोपचार सुरु करावेत. आरोग्य यंत्रणेला या मोहिमेच्या प्रभावी अंमलबजावणीसाठी आवश्यक ती मदत प्रशासनामार्फत करण्यात येईल. मात्र, आरोग्य यंत्रणेने ही मोहीम प्रभावीपणे पार पाडावी. त्याचबरोबर कुष्ठरुग्ण व क्षयरुग्ण निर्मुलनासाठी आवश्यक असणाऱ्या बाबींचे नियोजन करुन कृती आराखडा सादर करावा, असे निर्देशही श्रीमती. मिन्नू यांनी संबंधित अधिकाऱ्यांना दिले.

 

बैठकीच्या सुरुवातीला डॉ. शेळके यांनी उपस्थितांचे स्वागत करुन जिल्ह्यातील कुष्ठरुग्ण व करावयाच्या उपाययोजना, सद्यस्थिती याबाबत सविस्तर माहिती सादर केली. यामध्ये जिल्ह्यातील सद्यस्थितीत करावयाच्या उपाययोजना कृती कार्यक्रमाचे नियोजन जिल्हास्तरीय कृती कार्यक्रम, तालुका समन्वय समिती, अभियानांतर्गत कार्यशाळा आशा, पुरुष स्वयंसेवकांचे प्रशिक्षण, मनुष्यबळ स्थिती अहवाल आणि शहरी व ग्रामीण भागातील सर्वेक्षणाचे नियोजन, सर्वेक्षण पद्धती आदींबाबत सादरीकरण केले.

बैठकीस यावेळी तालुका वैद्यकीय अधिकारी, वैद्यकीय अधिकारी यांची उपस्थिती होती.

 

****

 

वृत्त क्र.                                                                              दि. 7 नोव्हेंबर, 2025

 

स्थानिक स्वराज्य संस्था सार्वत्रिक निवडणूक -2025

शासकीय, निमशासकीय कार्यालये, संस्था, विश्रामगृह

 परिसरात मिरवणूका काढणे, घोषणा देण्यास निर्बंध

 

            जालना, दि.7 (जिमाका) :-  राज्य निवडणूक आयोगाने स्थानिक स्वराज्य संस्था सार्वत्रिक निवडणूक -2025 साठी दि. 4 नोव्हेंबर 2025 रोजी कार्यक्रम जाहीर केला आहे. निवडणूक कार्यक्रम जाहीर केल्याच्या दिनांकापासून आदर्श आचारसंहिता अंमलात आलेली आहे. त्यानुसार जालना जिल्ह्यातील परतूर, अंबड, भोकरदन या स्थानिक स्वराज्य संस्थांच्या निवडणूकांची संपूर्ण प्रक्रिया शांततेत, निर्भय व न्याय वातावरणात पार पाडण्याच्या दृष्टीकोनातून जिल्ह्यातील निवडणूक होणाऱ्या स्थानिक स्वराज्य संस्था तसेच सदर निवडणूकीवर प्रभाव पडणारे लगतचे ग्रामीण क्षेत्रातील सर्व शासकीय, निमशासकीय कार्यालय, संस्था आणि शासकीय विश्रामगृहांच्या आवारामध्ये कोणत्याही राजकीय पक्षाने, निवडणूक लढविणाऱ्या उमेदवाराने किंवा त्यांच्या प्रतिनिधीने किंवा त्यांच्या हितचिंतकाने सभा घेणे, सदरील आवाराचा वापर राजकीय कामासाठी करणे,रॅली काढणे, निवडणूकी संबंधाने पोस्टर्स, बॅनर्स, पॉम्प्लेट्स, कटआऊट, पेंटींग्स, होर्डीग्जइ.लावणे, निवडणूक विषयक घोषवाक्य लिहीणे, किंवा सदरील आवारात निवडणूक विषयक घोषणा देणे किंवा मतदाराला प्रलोभन दाखविणे आणि निवडणूकीच्या कामात बाधा निर्माण होईल अशी कृती करणे इत्यादीबाबी नियंत्रीत करणे आवश्यक आहे. ज्या अर्थी सर्व संबंधीतांना नोटीस देवून त्यांचे म्हणने ऐकून घेणे सद्यस्थितीत शक्य नसल्याने एकतर्फी आदेश काढणे आवश्यक आहे. भारतीय नागरिक सुरक्षा संहिता, 2023 चे कलम 163 अन्वये उक्त ठिकाणी आदर्श आचारसंहिता संपेपर्यंत वरीलप्रमाणे कृती करण्यास निर्बंध घालण्यात आले आहेत, असे आदेश जिल्हादंडाधिकारी आशिमा  मित्‍तल यांनी जारी केले आहेत.

-*-*-*-*-

वृत्त क्र.                                                                              दि. 7 नोव्हेंबर, 2025

 

स्थानिक स्वराज्य संस्था सार्वत्रिक निवडणूक -2025

सार्वजनिक मालमत्ता विद्रुपीकरण

प्रतिबंध कायद्यांतर्गत कार्यवाही

 

 

            जालना, दि.7 (जिमाका) :-  भारतीय नागरिक सुरक्षा संहिता, 2023 चे कलम 163 अन्वये प्रदान करण्यात आलेल्या शक्तीचा वापर करुन निवडणूकीच्या कालावधीमध्ये जिल्ह्यातील निवडणूक होणाऱ्या स्थानिक स्वराज्य संस्था तसेच सदर निवडणूकीवर प्रभाव पडणारे लगतचे ग्रामीण क्षेत्रातील शासकीय, निमशासकीय, सार्वजनिक मालमत्तेची प्रत्यक्ष किंवा अप्रत्यक्ष स्वरुपात विद्रुपता करण्यास निवडणूक प्रक्रीया पूर्ण होईपर्यंत निर्बंध घालण्यात आले आहेत. असे आदेश जिल्हादंडाधिकारी आशिमा  मित्‍तल यांनी जारी केले आहेत.

राज्य निवडणूक आयोगाने स्थानिक स्वराज्य संस्था सार्वत्रिक निवडणूक – 2025 साठी दि. 4 नोव्हेंबर 2025 रोजी कार्यक्रम जाहीर केला आहे. निवडणूक कार्यक्रम जाहीर केल्याच्या दिनांकापासून आदर्श आचारसंहिता अंमलात आलेली आहे. त्यानुसार जालना जिल्ह्यातील परतूर, अंबड, भोकरदन या नगरपरिषदांच्या सार्वत्रीक निवडणूक कार्यक्रम घोषित केलेला आहे. काही व्यक्ती, संस्था यांच्याकडून मोठ्या प्रमाणात अनाधिकृत होर्डींग्ज, बॅनर्स, पोस्टर्स व जाहिराती लावून शहरांचे विद्रुपीकरण करण्यात आले आहे. तसेच निवडणूक कालावधीत राजकीय पक्ष अथवा पक्षांशी संबंधीत व्यक्ती, संस्था यांचेकडून होर्डींग्ज, बॅनर्स, पोस्टर्स व जाहिराती लावून सार्वजनिक मालमत्तांचे विद्रुपीकरण करण्याची शक्यता नाकारता येत नाही. राज्य निवडणूक आयोगाने मालमत्ता विद्रुपीत करण्यास प्रतिबंध करण्यासंबंधी दिलेल्या आदेशांचे काटेकोरपणे पालन करण्याबाबत सुचित केल्यानुसार जिल्ह्यातील निवडणूक होणाऱ्या स्थानिक स्वराज्य संस्था तसेच सदर निवडणूकीवर प्रभाव पडणारे लगतचे ग्रामीण क्षेत्रामध्ये निवडणूकीच्या कालावधीमध्ये होर्डींग्ज, बॅनर्स, पोस्टर्स व जाहिराती प्रदर्शीत करताना संबंधित स्थानिक प्राधिकरणाची पूर्व परवानगी घेणे बंधनकारक आहे. तसेच परवानगी कालावधी संपल्यानंतर इमारती, मालमत्ता पुर्ववत करुन घेणे, जाहिराती तात्काळ काढून घेणे आवश्यकआहे.

-*-*-*-*-

वृत्त क्र.                                                                              दि. 7 नोव्हेंबर, 2025

 

स्थानिक स्वराज्य संस्था सार्वत्रिक निवडणूक -2025

        उमेदवारांचे नामनिर्देशन दाखल करतेवेळी

 अवलंब करावयाची कार्यपध्दती

 

            जालना, दि.7 (जिमाका) :-  राज्य निवडणूक आयोगाने स्थानिक स्वराज्य संस्था सार्वत्रिक निवडणूक – 2025 साठी दि. 4 नोव्हेंबर 2025 रोजी कार्यक्रम जाहीर केला आहे. निवडणूक कार्यक्रम जाहीर केल्याच्या दिनांकापासून आदर्श आचारसंहिता अंमलात आलेली आहे. भारतीय नागरिक सुरक्षा संहिता, 2023 चे कलम 163  अन्वये शक्तीचा वापर करुन निवडणूकीचे कालावधीत जालना जिल्हयात परतूर, अंबड, भोकरदन या नगरपरिषदांची निवडणूकीची संपूर्ण प्रक्रिया शांततेत, निर्भय व न्याय वातावरणात पार पाडण्याच्या दृष्टीकोनातून निवडणूक कालावधीत निवडणूक निर्णय अधिकारी यांच्या कार्यालयात उमेदवारांनी नामनिर्देशनपत्र दाखल करतेवेळी त्यांच्या वाहनांच्या ताफ्यामध्ये तीनपेक्षा जास्त मोटारगाड्या/वाहने यांचा ताफ्यात समावेश नसावा. तसेच उमेदवारांनी नामनिर्देशनपत्र दाखल करतेवेळी निवडणूक निर्णय अधिकारी यांचे कार्यालयाचे 100मीटर परिसरात तसेच निवडणूक  निर्णय अधिकारी यांच्‍या कार्यालयाचे अवारात फक्‍त उमेदवार, सूचक/अनूमोदक अथवा दोन व्‍यक्‍ती यांना परवानगी दिली जाईल. तसेच निवडणूक निर्णय अधिकारी यांचे कार्यालयात नामनिर्देशनपत्र दाखल करतेवेळी कार्यालयाच्या परिसरात मिरवणूक/सभा घेणे, कोणत्याही प्रकारच्या घोषणा देणे/वाद्य वाजविणे किंवा गाणी म्हणणे आणि कोणत्याही प्रकारचा निवडणूक प्रचार करणेस प्रतिबंध करण्यात आला आहे. जिल्ह्यातील निवडणूक होणाऱ्या स्थानिक स्वराज्य संस्था तसेच सदर निवडणूकीवर प्रभाव पडणारे लगतचे ग्रामीण क्षेत्रामध्ये अंमलात राहतील. असे आदेश जिल्हादंडाधिकारी आशिमा  मित्‍तल यांनी जारी केले आहेत.

                                                       -*-*-*-*-

 

 

 

        वृत्त क्र.                                                                       दि. 7 नोव्हेंबर, 2025

स्थानिक स्वराज्य संस्था सार्वत्रिक निवडणूक -2025

नमुना मतपत्रिका छपाईवर निर्बंध

 

            जालना, दि.7 (जिमाका) :-  राज्य निवडणूक आयोगाने स्थानिक स्वराज्य संस्था सार्वत्रिक निवडणूक -2025 साठी दि. 4 नोव्हेंबर 2025 रोजी कार्यक्रम जाहीर केला आहे. निवडणूक कार्यक्रम जाहीर केल्याच्या दिनांकापासून आदर्श आचारसंहिता अंमलात आलेली आहे.       जालना जिल्ह्यातील  परतूर, अंबड, भोकरदन या नगरपरिषदांच्या निवडणूकीची संपूर्ण प्रक्रिया शांततेत, निर्भय व न्याय वातावरणात पार पाडण्याच्या दृष्टीकोनातून राजकीय पक्षांनी, निवडणूक लढविणाऱ्या उमेदवारांनी किंवा त्यांच्या प्रतिनिधींनी किंवा त्यांच्या कार्यकर्ते व हितचिंतकाने, मुद्रणालयाचे मालकाने व इतर सर्व माध्यमाद्वारे छपाई करणाऱ्या मालकाने तसेच प्रकाशकाने नमुना मतपत्रिका छापताना  इतर उमेदवाराचे नाव व त्यांनी नेमून देण्यात आलेले चिन्ह वापरणे. नमुना मतपत्रिकेसाठी मा.निवडणूक आयोगाने निश्चित केल्याप्रमाणे कागद वापरणे. मा.निवडणूक आयोगाने निश्चित केलेल्या कागदाच्या आकारामध्ये नमुना मतपत्रिका छापणे. भारतीय नागरिक सुरक्षा संहिता, 2023 चे कलम 163 अन्वये नमुना मतपत्रिका छपाईवर निर्बंध आदर्श आचारसंहिता संपेपर्यंत घालण्यात आले आहेत, असे आदेश जिल्हादंडाधिकारी आशिमा  मित्‍तल यांनी जारी केले आहेत.

 

                                                      -*-*-*-*-

वृत्त क्र.                                                                              दि. 7 नोव्हेंबर, 2025

 

स्थानिक स्वराज्य संस्था सार्वत्रिक निवडणूक -2025

       धरणे आंदोलन, मोर्चा, निदर्शने, उपोषण करण्यावर निर्बंध

 

जालना, दि.7 (जिमाका) :-  राज्य निवडणूक आयोगाने स्थानिक स्वराज्य संस्था सार्वत्रिक निवडणूक -2025 साठी दि. 4 नोव्हेंबर 2025 रोजी कार्यक्रम जाहीर केला आहे. निवडणूक कार्यक्रम जाहीर केल्याच्या दिनांकापासून आदर्श आचारसंहिता अंमलात आलेली आहे. जिल्ह्यातील परतूर, अंबड, भोकरदन या नगरपरिषदांच्या निवडणूक होणाऱ्या स्थानिक स्वराज्य संस्था तसेच सदर निवडणूकीवर प्रभाव पडणारे लगतचे ग्रामीण क्षेत्रामध्ये सर्व शासकीय, निमशासकीय कार्यालये/संस्था, शासकीय विश्रामगृह, सार्वजनिक ठिकाणे, रस्त्याच्या ठिकाणी धरणे आंदोलन, मोर्चा, निदर्शने, उपोषण करण्यावर निवडणूक प्रक्रिया पूर्ण होईपर्यंत निर्बंध घालण्यात आले आहेत.  असे आदेश जिल्हादंडाधिकारी आशिमा  मित्‍तल यांनी जारी केले आहेत.

-*-*-*-*-

वृत्त क्र.                                                                              दि. 7 नोव्हेंबर, 2025

 

स्थानिक स्वराज्य संस्था सार्वत्रिक निवडणूक -2025

धार्मिक स्थळे, रुग्णालये,  शैक्षणिक संस्था व सार्वजनिक ठिकाणांच्या

जवळपास तात्पुरती पक्ष कार्यालये स्थापन करण्यास निर्बंध

 

जालना, दि.7 (जिमाका) :- भारतीय नागरिक सुरक्षा संहिता, 2023 चे कलम 163  अन्वये प्रदान करण्यात आलेल्या शक्तीचा वापर करुन जिल्ह्यातील परतूर, अंबड, भोकरदन या नगरपरिषदांच्या निवडणूक होणाऱ्या स्थानिक स्वराज्य संस्था तसेच सदर निवडणूकीवर प्रभाव पडणारे लगतचे ग्रामीण क्षेत्रातील धार्मिक स्थळे, रुग्णालये किंवा शैक्षणिक संस्था व सार्वजनिक ठिकाणांच्या जवळपास तात्पुरती पक्ष कार्यालये स्थापन करण्यावर निवडणूक प्रक्रीया पुर्ण होईपर्यंत निर्बंध घालण्यात आले आहेत. असे आदेश जिल्हादंडाधिकारी आशिमा  मित्‍तल यांनी जारी केले आहेत.

-*-*-*-*-

वृत्त क्र.                                                                              दि. 7 नोव्हेंबर, 2025

 

स्थानिक स्वराज्य संस्था सार्वत्रिक निवडणूक -2025

मोटारगाड्या, वाहनांच्या ताफ्याचा वापर करण्यास निर्बंध

 

जालना, दि.7 (जिमाका) :- भारतीय नागरिक सुरक्षा संहिता, 2023 चे कलम 163  अन्वये प्रदान करण्यात आलेल्या शक्तीचा वापर करुन नगर परिषदांच्या निवडणूक प्रचारफेरी/ मिरवणुकामध्ये जास्तीत जास्त 10 वाहने वापरता येतील. त्यापेक्षा जास्त वाहने वापरण्यास जिल्ह्यातील परतूर, अंबड, भोकरदन या नगरपरिषदांच्या निवडणूक होणाऱ्या स्थानिक स्वराज्य संस्था तसेच सदर निवडणूकीवर प्रभाव पडणारे लगतचे ग्रामीण क्षेत्रामध्ये निवडणूक प्रक्रीया पुर्ण होईपर्यंत निर्बंध घालण्यात आले आहेत. असे आदेश जिल्हादंडाधिकारी आशिमा  मित्‍तल यांनी जारी केले आहेत.

-*-*-*-*-

वृत्त क्र.                                                                              दि. 7 नोव्हेंबर, 2025

 

स्थानिक स्वराज्य संस्था सार्वत्रिक निवडणूक -2025

वाहनांवर पक्ष प्रचाराचे कापडी फलक, झेंडे लावणेवर निर्बंध

 

जालना, दि.7 (जिमाका) :- भारतीय नागरिक सुरक्षा संहिता, 2023 चे कलम 163 अन्वये प्रदान करण्यात आलेल्या शक्तीचा वापर करुन जिल्ह्यातील परतूर, अंबड, भोकरदन या नगरपरिषदांच्या निवडणूक होणाऱ्या स्थानिक स्वराज्य संस्था तसेच सदर निवडणूकीवर प्रभाव पाडणारे लगतचे ग्रामीण क्षेत्रामध्ये खालीलप्रमाणे निर्बंध घालण्यात आले आहेत. असे आदेश जिल्हादंडाधिकारी आशिमा  मित्‍तल यांनी जारी केले आहेत.

प्रचारासाठी वापरण्यात येणाऱ्या वाहनांवर पक्ष प्रचाराचा झेंडा हा वाहनाच्या डाव्या बाजुला विंड स्क्रिन ग्लासच्या पुढे राहणार नाही आणि तो त्या वाहनाच्या टपापासून २ फुट उंची पेक्षा जास्त राहणार नाही. सदर वाहनांवर कापडी फलक वाहन चालकाच्या आसनामागे वाहनाच्या डाव्या व उजव्या बाजुने लावण्यात यावा,  इतर कोणत्याही बाजुस तो लावता येणार नाही. सदर वाहनांवर लावावयाचा पक्ष प्रचाराचा झेंडा किंवा कापडी फलक संबंधित पक्षाचे जिल्हाध्यक्ष, उमेदवार व उमेदवाराचे निवडणूक प्रतिनिधी निवडणूक प्रचारासाठी निवडणूक निर्णय अधिकारी यांचेकडून अधिकृत परवानगी घेतलेल्या वाहनांव्यतिरिक्त इतर कोणत्याही वाहनांवर लावता येणार नाही. असेही आदेशात नमुद केले आहे.

-*-*-*-*-

 

 

       

स्थानिक स्वराज्य संस्था सार्वत्रिक निवडणूक -2025

       ध्वनीक्षेपकाच्या वापरावर निर्बंध

 

जालना, दि.7 (जिमाका) :- महाराष्ट्र पोलीस अधिनियम १९५१ चे कलम ३३ मधील प्राप्त अधिकारानुसार जिल्ह्यातील परतूर, अंबड, भोकरदन या नगरपरिषदांच्या निवडणूक होणाऱ्या स्थानिक स्वराज्य संस्था तसेच सदर निवडणूकीवर प्रभाव पडणारे लगतचे ग्रामीण क्षेत्रामध्ये निवडणूकीच्या प्रचारासाठी ध्वनीक्षेपकाचे वापरावर खालीलप्रमाणे निर्बंध घालण्यात आले आहेत. असे आदेश जिल्हादंडाधिकारी आशिमा  मित्‍तल यांनी जारी केले आहेत.

ध्वनीक्षेपकाचा वापर पोलीस अधिकारी यांचे परवानगीशिवाय करता येणार नाही. सकाळी 6.00 वाजण्यापुर्वी आणि रात्री 10 वाजेनंतर कोणत्याही फिरत्या वाहनांवर व कोणत्याही क्षेत्रात ध्वनीक्षेपकाचा वापर करता येणार नाही. दिवसा प्रचाराकरिता फिरणाऱ्या वाहनांनी ध्वनीक्षेपकाचा वापर विशिष्ट ठिकाणी थांबुनच करावा. ध्वनीक्षेपकाच्या आवाजासह फिरणाऱ्या वाहनास प्रतिबंध असेल.सर्व राजकीय पक्ष व त्यांचे उमेदवार आणि इतर व्यक्तींनी निश्चीत ठिकाणी ध्वनीक्षेपकाच्या वापरा संबंधीत घेतलेल्या परवानगीची माहिती जिल्हादंडाधिकारी, संबंधित निवडणूक निर्णय अधिकारी व संबंधीत यंत्रणेस कळविणे बंधनकारक राहील. सदरचे आदेश हे जिल्ह्यातील निवडणूक होणाऱ्या स्थानिक स्वराज्य संस्था तसेच सदर निवडणूकीवर प्रभाव पडणारे लगतचे ग्रामीण क्षेत्रामध्ये निवडणूक प्रक्रिया पुर्ण होईपर्यंत अंमलात राहतील.

-*-*-*-*-

 

स्थानिक स्वराज्य संस्था सार्वत्रिक निवडणूक -2025

सार्वजनिक इमारतीचे ठिकाणी, सार्वजनिक रस्त्यावर,

 रहदारीस अडथळा निर्माण करण्यास निर्बंध

जालना, दि.7 (जिमाका) :- महाराष्ट्र पोलीस अधिनियम १९५१चे कलम ३३ अन्वये प्रदान करण्यात आलेल्या शक्तीचा वापर करुन जिल्ह्यातील परतूर, अंबड, भोकरदन या नगरपरिषदांच्या निवडणूक होणाऱ्या स्थानिक स्वराज्य संस्था तसेच सदर निवडणूकीवर प्रभाव पडणारे लगतचे ग्रामीण क्षेत्रामध्ये निवडणूकीचे साहित्य कोणत्याही सार्वजनिक ठिकाणी, रस्त्यावर रहदारीस अडथळा होईल किंवा अपघात होईल अशा पध्दतीने लावण्यास निवडणूक प्रक्रिया पुर्ण होईपर्यंत निर्बंध घालण्यात आले आहेत. असे आदेश जिल्हादंडाधिकारी आशिमा  मित्‍तल यांनी जारी केले आहेत.

                                                        -*-*-*-*-

 

स्थानिक स्वराज्य संस्था सार्वत्रिक निवडणूक -2025

खाजगी व्यक्तींच्या जागेवर, सार्वजनिक जागेवर झेंडे,

भित्तीपत्रके लावण्यास निर्बंध

 

जालना, दि.7 (जिमाका) :- जालना जिल्ह्यातील परतूर, अंबड, भोकरदन या नगर परिषदांची संपूर्ण निवडणूक प्रक्रिया शांततेत, निर्भय व न्याय वातावरणात पार पाडण्याच्या दृष्टीकोनातुन राजकीय पक्ष, निवडणूक लढविणारे उमेदवार, त्यांचे प्रतिनिधी किंवा त्यांचे हितचिंतक यांना निवडणूकीच्या प्रचारासाठी झेंड्याच्या काठ्या उभारणे, कापडी फलक लावणे, भित्तीपत्रक लावणे, घोषणा लिहिणे आदिसाठी कोणत्याही व्यक्तीची जागा, इमारत, आवार, भिंती इत्यादीवर संबंधीत मालकाची परवानगीशिवाय व संबंधीत परवाना प्राधिकरणाचे परवानगीशिवाय वापर करण्यास निर्बंध घालण्याची आले आहेत. असे आदेश जिल्हादंडाधिकारी आशिमा  मित्‍तल यांनी जारी केले आहेत.

                                                        -*-*-*-*-