परीक्षा केंद्राच्या परिसरात 144 कलम लागू

जालना -  सहाय्यक कक्ष अधिकारी पूर्व परिक्षा 2016   च्या परिक्षा  शहरातील पुढील केंद्रावर आयोजित करण्यात आल्या आहे. मत्स्योदरी विद्यालय, मोतीबागजवळ, जालना, सिटी. एम. के. गुजराती हायस्कुल, फुलब्रीकर नाटयगृहाजवळ, जालना आर.जे. बगडीया (जे.ई.एस.महाविद्यालय) दुर्गामाता रोड,जालना  या केंद्रावर दि. 31 जुलै 2016 रोजी घेण्यात येणार आहेत.

            या परिक्षा  केंद्राच्या परिसरात अशांतता निर्माण होण्याची शक्यता नाकरता येत नाही. या परिक्षा केंद्राजवळच्या 100 मीटरच्या परिसरातील सर्व सार्वजनिक टेलीफोन, एसटीडी बुथ, फॅक्स,झेराक्स केंद्र व ध्वनीक्षेपके परीक्षेच्या कालावधीत बंद ठेवण्यात यावेत.तसेच परीक्षा कालावधीत कायदा व सुव्यवस्थेचा प्रश्न निर्माण होण्याची श्क्यता असल्यने अपर जिल्हादंडाधिकारी आर.टी.इतवारे यांना प्राप्त झालेल्या अधिकारांचा वापर करुन दि. 31 जुलै 2016 चे सकाळी 8.00 वाजेपासून सांयकाळी 6.00 वाजेपर्यंत परीक्षा केंद्राच्या 100 मीटर परिसरात फौजदारी दंड संहिता 1973 चे कलम 144 लागू केले आहे.