जालना, दि. 26 (जिमाका):- इयत्ता दहावी व बारावी नंतर काय? या प्रश्नाचे उत्तर अनेकांना भंडावून सोडते. भविष्यातील शिक्षणाच्या तसेच रोजगार व स्वयंरोजगाराच्या संधी, व्यक्तिमत्व विकास, बायोडाटा तयार करणे, मुलाखतीची तयारी, नवीन तंत्रज्ञानावर आधारित प्रशिक्षण,व्यवसाय शिक्षण व प्रशिक्षण खात्यातील विविध योजने संबधीमाहिती व रोजगाराच्या संधी याबाबत विद्यार्थ्यांना माहिती नसते. ही माहिती जालना येथील चंदनझिरा परिसरातील औद्योगिक प्रशिक्षण संस्थेत दि.22 जुन 2024 रोजी छत्रपती शाहू महाराज युवाशक्ती करिअर शिबीरात देण्यात आली.
कौशल्य विकास , रोजगार,उद्योजकता व नाविन्यता विभागाचे मंत्री मंगल प्रभातजी लोढा यांच्या संकल्पनेतुन सदरिल कार्यक्रम आयोजन करण्यात आले होते. सदरिल शिबीराचे उदघाटन आमदार कैलास गोरंट्याल यांच्या हस्ते झाले. या शिबिराच्या कार्यक्रमाला युवा नेतृत्व अक्षय गोरंट्याल, जिल्हा व्यवसाय शिक्षण व प्रशिक्षण अधिकारी ए.ए.केसकर, उद्योजक सुनिल रायठ्ठ्ठा, सहा.आयुक्त भुजंग रिठे प्राचार्य डी.एम.राडोड, प्राचार्य पी.डी.उखळीकर, उपप्राचार्या श्रीमती रजनी शेळके, गटनिदेशक एस.एस.कापसे, एस.के.उपाध्ये, पी.डी.जुंजे, आर.एस.पुजारी प्रमुख उपस्थित होते.
शिबीरात आमदार कैलास गोरंट्याल व उद्योजक सुनिल रायठठ्ठा, यांनी जालना येथे मुलींची आय.टी.आय. सुरू करण्याचे आश्वासन दिले व सदर आयटीआय स्थापन करण्यासाठी सर्वतोपरी प्रयत्न करणार असल्याचे सांगितले. व्यवसाय शिक्षण व प्रशिक्षण संचालनालयाच्या निर्देशानुसार शासकीय औद्योगिक प्रशिक्षण संस्था, जालना येथे दि. 22 जुन रोजी सकाळी 9 वाजता छत्रपती शाहू महाराज युवा शक्ती करिअर शिबिराचे आयोजन केले होते. या शिबीराचे औचित्य साधून रोजगार व स्वयंरोजगारासाठी, शैक्षणिक कर्ज उपलब्ध करुन देणाऱ्या बँक व वित्तीय संस्थांचे प्रमुख प्रतिनिधी उपस्थित होते. जिल्ह्यातील 1 हजार 12 विद्यार्थी व पालकांनी छत्रपती शाहू महाराज युवाशक्ती करिअर शिबिरात सहभाग नोंदविला. या कार्यक्रमाचे प्रास्ताविक श्रीमती आर.एस.शेळके यांनी केले तर सुत्रसंचालन वैशाली मोरे यांनी करुन आभार जी.एम.ढाकरे यांनी मानले.
-*-*-*-*-
No comments:
Post a Comment