जालना जिल्ह्यात छत्रपती शिवाजी महाराज महाराजस्व समाधान शिबीर अभियान टप्पा-1 शिबीरादरम्यान प्रत्येक गावातील नागरिकांच्या समस्या सोडविण्यासाठी प्रशासनातील सर्व यंत्रणा प्रयत्न करणार - जिल्हाधिकारी आशिमा मित्तल जालना, दि. 6 (जिमाका) :- महसूल विभागांतर्गत क्षेत्रिय स्तरावर ग्रामिण भागात सर्वसामान्य जनता, शेतकरी, विद्यार्थी व महिला यांचे महसूल विभागांशी संबंधित दैनंदिन प्रश्नांचे निराकरण करणे व जनतेच्या तक्रारी सत्वर निकाली काढणे, तसेच महसूल प्रशासन अधिक लोकाभिमुख, कार्यक्षम व गतिमान करण्यासाठी राज्यातील प्रत्येक जिल्हयातील तालुक्यामध्ये मंडळ स्तरावर 7 मार्च ते 15 मे 2026 या कालावधीत "छत्रपती शिवाजी महाराज महाराजस्व समाधान शिबीर अभियान" टप्पा 1 आयोजित करण्यात येणार आहे. या कालावधीत आयोजित शिबीरादरम्यान प्रत्येक गावातील नागरिकांच्या समस्या सोडविण्यासाठी प्रशासनातील सर्व यंत्रणा प्रयत्न करणार आहेत असे जिल्हाधिकारी आशिमा मित्तल यांनी सांगितले. दि. 5 मार्च 2026 रोजी जिल्हाधिकारी कार्यालयातील महसूल भवन येथे जिल्हाभरात दि. 7 मार्च 2026 ते 15 मे 2026 या कालावधीत राबविण्यात येणाऱ्या छत्रपती शिवाजी महाराज महाराजस्वव समाधान शिबीर अभियान टप्पा 1 च्या अनुषंगाने आयोजित पत्रकार परिषदेत त्या बोलत होत्या. यावेळी व्यासपीठावर निवासी उपजिल्हाधिकारी शशिकांत हदगल, प्रभारी उप जिल्हा निवडणूक अधिकारी श्रीमती सुकेशिनी कांबळे-पगारे यांच्यासह अन्य अधिकारी उपस्थित होते. यावेळी पत्रकार परिषदेत पुढे बोलतांना जिल्हाधिकारी आशिमा मित्तल म्हणाल्या की, महाराष्ट्र राज्य शासनाच्या वतीने राबविण्यात येणार असलेल्या छत्रपती शिवाजी महाराज महाराजस्वव समाधान शिबिरांच्या माध्यमातून शासनाकडून नागरिकांच्या समस्या सोडविण्यासाठी राबविण्यात येत असलेल्या विविध नाविन्यपूर्ण योजना तसेच लोकाभिमुख प्रशासनासाठी निर्गमित करण्यात आलेले शासन निर्णय व योजनांची माहिती नागरिकांना उपलब्ध करून देण्यात येणार आहे. या शिबीरा दरम्यान प्रत्येक गावातील नागरिकांच्या महसूल व इतर शासकीय योजनांशी संबंधित प्रलंबित समस्या या शिबिरांच्या माध्यमातून तात्काळ सोडविण्यासाठी प्रयत्न केले जाणार आहेत. यासाठी संबंधित गावातील नागरिकांनी आपल्या प्रलंबित समस्या, अडचणी, तक्रारी ह्या मंडळ अधिकारी यांच्याकडे देणे बंधनकारक राहील. संबंधित मंडळात ज्यावेळी छत्रपती शिवाजी महाराज महाराजस्व समाधान शिबीरांचे आयोजन केले जाणार आहे त्या दिवशी संबंधित विभागाचे अधिकारी या समस्या प्राधान्याने सोडविण्यासाठी प्रयत्न करणार आहेत. तसेच या शिबीरा दरम्यान महाराष्ट्र शासनाकडून जालना जिल्ह्यात एकूण 65 ठिकाणी “छत्रपती शिवाजी महाराज महाराजस्व समाधान शिबीर” आयोजित करण्यात येणार असून मंडळ स्तरावर या शिबिरांचे नियोजन करण्यात आले आहे. प्रत्येक शिबिरात महसूल, ग्रामविकास, पंचायत राज, सामाजिक न्याय, कृषी, आरोग्य आदी विभागांचे अधिकारी उपस्थित राहून नागरिकांच्या अर्जांची तात्काळ दखल घेतील. 7 मार्च ते 15 मे 2026 या कालावधीत मंडळ व नगर परिषद/नगर पंचायत स्तरावर राबविण्यात येणार असून सर्वसामान्य नागरिक, शेतकरी, महिला व विद्यार्थ्यांचे महसूल विषयक प्रश्न तात्काळ निकाली काढणे हा प्रमुख उद्देश आहे. प्रत्येक तालुक्यात एकदिवसीय समाधान शिबिरे आयोजित करून प्रलंबित फेरफार, 7/12 दुरुस्ती, उत्पन्न, रहिवासी व जात प्रमाणपत्रे यांसारख्या सेवा ‘सिंगल डे सर्व्हिस डिलिव्हरी’ तत्त्वावर देण्यात येणार आहेत.अभियानाच्या पूर्वतयारीत गावनिहाय प्रलंबित प्रकरणांची यादी तयार करून शिबिरापूर्वी आवश्यक ती कार्यवाही पूर्ण करावी. ७/१२ व ८अ उताऱ्यांचे अद्ययावतीकरण, डिजिटल ७/१२ ची जनजागृती, तसेच एकवेळच्या अधिमूल्य भरणा पद्धतीबाबत नागरिकांना मार्गदर्शन करावे. तुकडेबंदी कायद्याशी संबंधित प्रकरणे, संपादन व अकृषी परवानगी नोंदींची अद्ययावत माहिती शिबिरात उपलब्ध करून द्यावी, असेही त्यांनी सांगितले. तसेच ‘एक खिडकी व्यवस्था’ प्रभावीपणे राबवून सर्व महसूल अधिकारी एकाच ठिकाणी उपलब्ध राहतील .शिबिरांची व्यापक प्रसिद्धी करून जास्तीत जास्त नागरिकांनी लाभ घ्यावा, यासाठी सोशल मीडिया, स्थानिक माध्यमे व दवंडीचा वापर करण्यात येणार आहे. *अभियानातंर्गत शिबीरांची पूर्व तयारी करण्यासाठीच्या मार्गदर्शक सुचना :* अ) शासनाने वेळोवेळी निर्गमीत केलेल्या शासन निर्णयातील तरतुदीनुसार भोगवटदार वर्ग २ जमिनी भोगवटदार वर्ग १ मध्ये परावर्तित करण्यात आल्या किंवा नाहीत याची तपासणी मंडळ स्तरावर करणे व अशा काही जमिनी वर्ग १ मध्ये परावर्तित करणे बाकी असल्यास त्याबाबत वेळोवेळी निर्गमित केलेल्या शासन निर्णयातील तरतुदीनुसार पुर्वतयारीच्या कालावधीत प्रक्रिया पुर्ण करावी व अद्यावत नोंदीसह ७/१२ लाभार्थ्यांना वितरीत करावे. ब) जिवंत ७/१२ मोहिमेअंतर्गत यापुर्वीच शासनामार्फत सुचना निर्गमित करण्यात आल्या आहेत. त्या अनुषंगाने सर्व गावा मध्ये ७/१२ वाचन पूर्ण करून प्रलंबीत नोंदीच्या याद्या तयार कराव्या व त्याअनुषंगाने दुरूस्तीबाबत कार्यवाही शिबीरापुर्वी पुर्ण करून घेणे. शिबीरात अद्यावत अभिलेख अर्जदारांना उपलब्ध करून द्याव्या. क) सामाजिक अर्थसहाय्य योजना अंतर्गत पात्र लाभार्थ्यांचे अर्ज शिबीरापुर्वी भरून घेणे व समितीच्या बैठकीचे आयोजन करून लाभ मंजुर करून घ्यावे व शिबीरात मंजुरी आदेशाचे वितरण करावे. ड) तुकडेबंदी कायद्याविरूध्द दिनांक १५.११.१९६५ ते १५.१०.२०२४ पर्यंत प्रमाणभूत सीमेपेक्षा कमी क्षेत्राच्या जमीनीचे खरेदी विक्रीचे व्यवहार व हस्तांतरण बाबत गावनिहाय यादी तयार करावी. इ) नोंदणीकृत दस्ताचे आधारे रद्द झालेली, तुकडेबंदी कायद्याच्या उल्लघंनामुळे ७/१२ मधील इतर अधिकारातील खरेदीदारांचे नाव, इतर अधिकारात नोंदविलेले शेरे, तसेच नव्याने प्राप्त अर्जाविषयी फेरफार घेणे. अनोंदणीकृत व्यवहाराविषयी गाव निहाय माहिती गोळा करून नोंदणीकरीता नोंदणी विभागाकडे पाठविणे. ७/१२ अद्यावत करून शिबीराच्या दिवशी अद्यावत ७/१२ चे वाटप करावे ई) मंडळ स्तरावरील सर्व शाळांचा आढावा घेऊन दाखले वाटप न झालेल्या विद्यार्थ्यांच्या याद्या तयार करणे. शाळेमध्ये Camp Mode वर विद्यार्थ्यांकडून आवश्यक कागदपत्रांसह परिपूर्ण अर्ज भरून घेणे. शिबीराच्या दिवशी दाखल्यांचे वाटप करावे. उ) उपविभागीय स्तरीय समितीने शासन निर्णय क्र.लवेसू२०२५/प्र.क्र.०२/पाणंद रस्ते, दिनांक १४/१२/२०२५ नुसार शिर्बीर आयोजित करावायाच्या मंडळातील पाणंद रस्त्यांची प्रशासकीय मान्यतेचे आदेश ग्रामपंचायतला उपलब्ध करुन द्यावे. ऊ) मंडळातील सर्वांसाठी घरे अंतर्गत पट्टे वाटपासाठी बाकी राहिलेल्या लाभार्थ्यांची यादी तयार करणे. तसेच संबंधीत शासन निर्णयातील तरतुदीनुसार पुर्वतयारीच्या कालावधीत प्रक्रिया पूर्ण करावी व शिबीरात पट्टे वाटप करावे. *समाधान शिबीर - प्रमुख वैशिष्ट्ये* *शिबीर स्थळी मिळणार १५ पेक्षा जास्त महसुली सेवा* * प्रलंबित फेरफार * ७/१२ मधील चुकांची दुरुस्ती *डिजिटल स्वाक्षरीचे ७/१२ आणि ८-अ उता-यांचे वाटप *उत्पन्न, रहिवासी आणि जातीचे प्रमाणपत्र * नॉन क्रीमीलेअर प्रमाणपत्र * अकृषिक (NA) परवानगी * अकृषिक (NA) तरतुदींबाबत मार्गदर्शन व सुधारणा * नवीन व्यवस्थापनानुसार सनद प्रक्रियेची माहिती * सामाजिक अर्थसहाय्य योजनांचे लाभ मंजूर करणे * विद्यार्थ्यांसाठी दाखले वाटप * तुकडेबंदी कायद्यांच्या उल्लंघनाबाबतच्या प्रकरणांचा निपटारा * घरांसाठी पट्टे वाटप, ई-मोजणी अर्ज * अॅग्रीस्टॅक आणि पी. एम. किसान नोंदणी * भूसंपादन व अकृषिक परवानगी प्रकरणी कमी-जास्त पत्रके तयार करुन गाव दप्तर अद्यावत केली जाणार *अभियानाची विशेष उद्दिष्टे* * दिव्यांग व्यक्तिंना कृत्रीम अवयव वाटप * शासन मंजूर घरकुल लाभार्थीना प्रत्येकी ५ ब्रास वाळु वाटप * एकल महिलांना सर्व लाभ एका ठिकाणी देणे. * असंघटीत कामगारासाठी विशेष आरोग्य शिबीर * कृषी विभाग विविध योजना माहिती व प्रधानमंत्री माती परीक्षण योजना शिबीर * आयुष्यमान भारत गोल्ड कार्ड बाबत मार्गदर्शन करणे *जिल्हातील शिबीरांचे ठिकाण व दिनांक :- 7 मार्च 2026 जालना- देवमूर्ती, बदनापूर- बावणे पांगरी, अंबड-जामखेड, घनसावंगी-कुंभार पिंपळगाव, परतुर- आष्टी, मंठा- पांगरी गोसावी, भोकरदन- राजुर, जाफ्राबाद-माहोरा 14 मार्च 2026- जालना- नेर, बदनापूर- रोषणगाव, अंबड-धनगर प्रिंप्री, घनसावंगी-राणी उंचेगाव, परतुर- श्रीष्टी, मंठा-तळणी, भोकरदन- जानेफळ दाभाडी, जाफ्राबाद-कोळेगाव . 22 मार्च 2026- जालना- सावंगी तलाव, अंबड- शहागड, घनसावंगी- रांजणी, भोकरदन- धावडा. 28 मार्च 2026- जालना-विरेगाव, बदनापूर-शेलगाव, अंबड- वडीगोद्री, भोकरदन- आव्हाना. 6 एप्रिल 2026- जालना- रामनगर, भोकरदन- पिंपळगाव रेणुकाई 10 एप्रिल 2026 जालना- वाघ्रुळ जहागीर, बदनापूर- चिखली, अंबड-ताड हदगाव, घनसावंगी-पानेवाडी, परतुर- वाटुर, मंठा-ढोकसाळ, भोकरदन- केदारखेडा, जाफ्राबाद- टेंभुर्णी 17 एप्रिल 2026- जालना- पाचन वडगाव, बदनापूर- दाभाडी, अंबड-गोंदी, घनसावंगी-अंतरवाली टेंभी, परतुर- सातोना खुर्द, मंठा- माळतोंडी, भोकरदन- हसनाबाद, जाफ्राबाद-वरुड बुद्रुक. 24 एप्रिल 2026- जालना-सेवली, बदनापूर- बदनापूर ग्रामीण, अंबड-सुखापुरी, घनसावंगी-जांब समर्थ,परतुर- परतुर ग्रामीण, मंठा- जयपूर, भोकरदन- दानापूर, जाफ्राबाद- कुंभारझरी. 2 मे 2026- जालना- गोलापांगरी, अंबड- रोहिलागड, परतुर-कोकाटे हदगाव, मंठा- मंठा शहर, भोकरदन- सिपोरा बाजार. 8 मे 2026- जालना मनपा, बदनापूर नगर पंचायत, नगर परिषद अंबड, नगर पंचायत तिर्थपुरी,नगर परिषद परतुर, नगर पंचायत मंठा, नगर परिषद भोकरदन, नगर पंचायत जाफ्राबाद. 15 मे 2026- नगर पंचायत घनसावंगी, भोकरदन- आन्वा जिल्हातील सर्व नागरिकांनी या शिबीराचा लाभ घ्यावा, असे आवाहन जिल्हा प्रशासनाच्या वतीने करण्यात येत आहे. -*-*-*-*-

 

जालना जिल्ह्यात छत्रपती शिवाजी महाराज महाराजस्व समाधान शिबीर अभियान टप्पा-1

शिबीरादरम्यान प्रत्येक गावातील नागरिकांच्या समस्या

सोडविण्यासाठी प्रशासनातील सर्व यंत्रणा प्रयत्न करणार

-         जिल्हाधिकारी आशिमा मित्तल

 

जालना, दि. 6 (जिमाका) :- महसूल विभागांतर्गत क्षेत्रिय स्तरावर ग्रामिण भागात सर्वसामान्य जनता, शेतकरी, विद्यार्थी व महिला यांचे महसूल विभागांशी संबंधित दैनंदिन प्रश्नांचे निराकरण करणे व जनतेच्या तक्रारी सत्वर निकाली काढणे, तसेच महसूल प्रशासन अधिक लोकाभिमुख, कार्यक्षम व गतिमान करण्यासाठी राज्यातील प्रत्येक जिल्हयातील तालुक्यामध्ये मंडळ स्तरावर 7 मार्च ते 15 मे 2026 या कालावधीत "छत्रपती शिवाजी महाराज महाराजस्व समाधान शिबीर अभियान" टप्पा 1 आयोजित करण्यात येणार आहे. या कालावधीत आयोजित शिबीरादरम्यान प्रत्येक गावातील नागरिकांच्या समस्या सोडविण्यासाठी प्रशासनातील सर्व यंत्रणा प्रयत्न करणार आहेत असे जिल्हाधिकारी आशिमा मित्तल यांनी सांगितले.

दि. 5 मार्च 2026 रोजी जिल्हाधिकारी कार्यालयातील महसूल भवन येथे जिल्हाभरात दि. 7 मार्च 2026 ते 15 मे 2026 या कालावधीत राबविण्यात येणाऱ्या छत्रपती शिवाजी महाराज महाराजस्वव समाधान शिबीर अभियान टप्पा 1 च्या अनुषंगाने आयोजित पत्रकार परिषदेत त्या बोलत होत्या. यावेळी व्यासपीठावर निवासी उपजिल्हाधिकारी शशिकांत हदगल, प्रभारी उप जिल्हा निवडणूक अधिकारी श्रीमती सुकेशिनी कांबळे-पगारे यांच्यासह अन्य अधिकारी उपस्थित होते.

यावेळी पत्रकार परिषदेत पुढे बोलतांना जिल्हाधिकारी आशिमा मित्तल म्हणाल्या की, महाराष्ट्र राज्य शासनाच्या वतीने राबविण्यात येणार असलेल्या छत्रपती शिवाजी महाराज महाराजस्वव समाधान शिबिरांच्या माध्यमातून शासनाकडून नागरिकांच्या समस्या सोडविण्यासाठी राबविण्यात येत असलेल्या विविध नाविन्यपूर्ण योजना तसेच लोकाभिमुख प्रशासनासाठी निर्गमित करण्यात आलेले शासन निर्णय व योजनांची माहिती नागरिकांना उपलब्ध करून देण्यात येणार आहे. या शिबीरा दरम्यान प्रत्येक गावातील नागरिकांच्या महसूल व इतर शासकीय योजनांशी संबंधित प्रलंबित समस्या या शिबिरांच्या माध्यमातून तात्काळ सोडविण्यासाठी प्रयत्न केले जाणार आहेत. यासाठी संबंधित गावातील नागरिकांनी आपल्या प्रलंबित समस्या, अडचणी, तक्रारी ह्या मंडळ अधिकारी यांच्याकडे देणे बंधनकारक राहील. संबंधित मंडळात ज्यावेळी छत्रपती शिवाजी महाराज महाराजस्व समाधान शिबीरांचे आयोजन केले जाणार आहे त्या दिवशी संबंधित विभागाचे अधिकारी या समस्या प्राधान्याने सोडविण्यासाठी प्रयत्न करणार आहेत. तसेच या शिबीरा दरम्यान महाराष्ट्र शासनाकडून जालना जिल्ह्यात एकूण 65 ठिकाणी “छत्रपती शिवाजी महाराज महाराजस्व समाधान शिबीर” आयोजित करण्यात येणार असून मंडळ स्तरावर या शिबिरांचे नियोजन करण्यात आले आहे. प्रत्येक शिबिरात महसूल, ग्रामविकास, पंचायत राज, सामाजिक न्याय, कृषी, आरोग्य आदी विभागांचे अधिकारी उपस्थित राहून नागरिकांच्या अर्जांची तात्काळ दखल घेतील. 7 मार्च ते 15 मे 2026 या कालावधीत मंडळ व नगर परिषद/नगर पंचायत स्तरावर राबविण्यात येणार असून सर्वसामान्य नागरिक, शेतकरी, महिला व विद्यार्थ्यांचे महसूल विषयक प्रश्न तात्काळ निकाली काढणे हा प्रमुख उद्देश आहे. प्रत्येक तालुक्यात एकदिवसीय समाधान शिबिरे आयोजित करून प्रलंबित फेरफार, 7/12 दुरुस्ती, उत्पन्न, रहिवासी व जात प्रमाणपत्रे यांसारख्या सेवा ‘सिंगल डे सर्व्हिस डिलिव्हरी’ तत्त्वावर देण्यात येणार आहेत.अभियानाच्या पूर्वतयारीत गावनिहाय प्रलंबित प्रकरणांची यादी तयार करून शिबिरापूर्वी आवश्यक ती कार्यवाही पूर्ण करावी. ७/१२ व ८अ उताऱ्यांचे अद्ययावतीकरण, डिजिटल ७/१२ ची जनजागृती, तसेच एकवेळच्या अधिमूल्य भरणा पद्धतीबाबत नागरिकांना मार्गदर्शन करावे. तुकडेबंदी कायद्याशी संबंधित प्रकरणे, संपादन व अकृषी परवानगी नोंदींची अद्ययावत माहिती शिबिरात उपलब्ध करून द्यावी, असेही त्यांनी सांगितले. तसेच ‘एक खिडकी व्यवस्था’ प्रभावीपणे राबवून सर्व महसूल अधिकारी एकाच ठिकाणी उपलब्ध राहतील .शिबिरांची व्यापक प्रसिद्धी करून जास्तीत जास्त नागरिकांनी लाभ घ्यावा, यासाठी सोशल मीडिया, स्थानिक माध्यमे व दवंडीचा वापर करण्यात येणार आहे. *अभियानातंर्गत शिबीरांची पूर्व तयारी करण्यासाठीच्या मार्गदर्शक सुचना :* अ) शासनाने वेळोवेळी निर्गमीत केलेल्या शासन निर्णयातील तरतुदीनुसार भोगवटदार वर्ग २ जमिनी भोगवटदार वर्ग १ मध्ये परावर्तित करण्यात आल्या किंवा नाहीत याची तपासणी मंडळ स्तरावर करणे व अशा काही जमिनी वर्ग १ मध्ये परावर्तित करणे बाकी असल्यास त्याबाबत वेळोवेळी निर्गमित केलेल्या शासन निर्णयातील तरतुदीनुसार पुर्वतयारीच्या कालावधीत प्रक्रिया पुर्ण करावी व अद्यावत नोंदीसह ७/१२ लाभार्थ्यांना वितरीत करावे. ब) जिवंत ७/१२ मोहिमेअंतर्गत यापुर्वीच शासनामार्फत सुचना निर्गमित करण्यात आल्या आहेत. त्या अनुषंगाने सर्व गावा मध्ये ७/१२ वाचन पूर्ण करून प्रलंबीत नोंदीच्या याद्या तयार कराव्या व त्याअनुषंगाने दुरूस्तीबाबत कार्यवाही शिबीरापुर्वी पुर्ण करून घेणे. शिबीरात अद्यावत अभिलेख अर्जदारांना उपलब्ध करून द्याव्या. क) सामाजिक अर्थसहाय्य योजना अंतर्गत पात्र लाभार्थ्यांचे अर्ज शिबीरापुर्वी भरून घेणे व समितीच्या बैठकीचे आयोजन करून लाभ मंजुर करून घ्यावे व शिबीरात मंजुरी आदेशाचे वितरण करावे. ड) तुकडेबंदी कायद्याविरूध्द दिनांक १५.११.१९६५ ते १५.१०.२०२४ पर्यंत प्रमाणभूत सीमेपेक्षा कमी क्षेत्राच्या जमीनीचे खरेदी विक्रीचे व्यवहार व हस्तांतरण बाबत गावनिहाय यादी तयार करावी. इ) नोंदणीकृत दस्ताचे आधारे रद्द झालेली, तुकडेबंदी कायद्याच्या उल्लघंनामुळे ७/१२ मधील इतर अधिकारातील खरेदीदारांचे नाव, इतर अधिकारात नोंदविलेले शेरे, तसेच नव्याने प्राप्त अर्जाविषयी फेरफार घेणे. अनोंदणीकृत व्यवहाराविषयी गाव निहाय माहिती गोळा करून नोंदणीकरीता नोंदणी विभागाकडे पाठविणे. ७/१२ अद्यावत करून शिबीराच्या दिवशी अद्यावत ७/१२ चे वाटप करावे ई) मंडळ स्तरावरील सर्व शाळांचा आढावा घेऊन दाखले वाटप न झालेल्या विद्यार्थ्यांच्या याद्या तयार करणे. शाळेमध्ये Camp Mode वर विद्यार्थ्यांकडून आवश्यक कागदपत्रांसह परिपूर्ण अर्ज भरून घेणे. शिबीराच्या दिवशी दाखल्यांचे वाटप करावे. उ) उपविभागीय स्तरीय समितीने शासन निर्णय क्र.लवेसू२०२५/प्र.क्र.०२/पाणंद रस्ते, दिनांक १४/१२/२०२५ नुसार शिर्बीर आयोजित करावायाच्या मंडळातील पाणंद रस्त्यांची प्रशासकीय मान्यतेचे आदेश ग्रामपंचायतला उपलब्ध करुन द्यावे. ऊ) मंडळातील सर्वांसाठी घरे अंतर्गत पट्टे वाटपासाठी बाकी राहिलेल्या लाभार्थ्यांची यादी तयार करणे. तसेच संबंधीत शासन निर्णयातील तरतुदीनुसार पुर्वतयारीच्या कालावधीत प्रक्रिया पूर्ण करावी व शिबीरात पट्टे वाटप करावे.

*समाधान शिबीर - प्रमुख वैशिष्ट्ये* *शिबीर स्थळी मिळणार १५ पेक्षा जास्त महसुली सेवा* * प्रलंबित फेरफार * ७/१२ मधील चुकांची दुरुस्ती *डिजिटल स्वाक्षरीचे ७/१२ आणि ८-अ उता-यांचे वाटप *उत्पन्न, रहिवासी आणि जातीचे प्रमाणपत्र * नॉन क्रीमीलेअर प्रमाणपत्र * अकृषिक (NA) परवानगी * अकृषिक (NA) तरतुदींबाबत मार्गदर्शन व सुधारणा * नवीन व्यवस्थापनानुसार सनद प्रक्रियेची माहिती * सामाजिक अर्थसहाय्य योजनांचे लाभ मंजूर करणे * विद्यार्थ्यांसाठी दाखले वाटप * तुकडेबंदी कायद्यांच्या उल्लंघनाबाबतच्या प्रकरणांचा निपटारा * घरांसाठी पट्टे वाटप, ई-मोजणी अर्ज * अॅग्रीस्टॅक आणि पी. एम. किसान नोंदणी * भूसंपादन व अकृषिक परवानगी प्रकरणी कमी-जास्त पत्रके तयार करुन गाव दप्तर अद्यावत केली जाणार *अभियानाची विशेष उद्दिष्टे* * दिव्यांग व्यक्तिंना कृत्रीम अवयव वाटप * शासन मंजूर घरकुल लाभार्थीना प्रत्येकी ५ ब्रास वाळु वाटप * एकल महिलांना सर्व लाभ एका ठिकाणी देणे. * असंघटीत कामगारासाठी विशेष आरोग्य शिबीर * कृषी विभाग विविध योजना माहिती व प्रधानमंत्री माती परीक्षण योजना शिबीर * आयुष्यमान भारत गोल्ड कार्ड बाबत मार्गदर्शन करणे

*जिल्हातील शिबीरांचे ठिकाण व दिनांक :- 7 मार्च 2026 जालना- देवमूर्ती, बदनापूर- बावणे पांगरी, अंबड-जामखेड, घनसावंगी-कुंभार पिंपळगाव, परतुर- आष्टी, मंठा- पांगरी गोसावी, भोकरदन- राजुर, जाफ्राबाद-माहोरा 14 मार्च 2026- जालना- नेर, बदनापूर- रोषणगाव, अंबड-धनगर प्रिंप्री, घनसावंगी-राणी उंचेगाव, परतुर- श्रीष्टी, मंठा-तळणी, भोकरदन- जानेफळ दाभाडी, जाफ्राबाद-कोळेगाव . 22 मार्च 2026- जालना- सावंगी तलाव, अंबड- शहागड, घनसावंगी- रांजणी, भोकरदन- धावडा. 28 मार्च 2026- जालना-विरेगाव, बदनापूर-शेलगाव, अंबड- वडीगोद्री, भोकरदन- आव्हाना. 6 एप्रिल 2026- जालना- रामनगर, भोकरदन- पिंपळगाव रेणुकाई 10 एप्रिल 2026 जालना- वाघ्रुळ जहागीर, बदनापूर- चिखली, अंबड-ताड हदगाव, घनसावंगी-पानेवाडी, परतुर- वाटुर, मंठा-ढोकसाळ, भोकरदन- केदारखेडा, जाफ्राबाद- टेंभुर्णी 17 एप्रिल 2026- जालना- पाचन वडगाव, बदनापूर- दाभाडी, अंबड-गोंदी, घनसावंगी-अंतरवाली टेंभी, परतुर- सातोना खुर्द, मंठा- माळतोंडी, भोकरदन- हसनाबाद, जाफ्राबाद-वरुड बुद्रुक. 24 एप्रिल 2026- जालना-सेवली, बदनापूर- बदनापूर ग्रामीण, अंबड-सुखापुरी, घनसावंगी-जांब समर्थ,परतुर- परतुर ग्रामीण, मंठा- जयपूर, भोकरदन- दानापूर, जाफ्राबाद- कुंभारझरी. 2 मे 2026- जालना- गोलापांगरी, अंबड- रोहिलागड, परतुर-कोकाटे हदगाव, मंठा- मंठा शहर, भोकरदन- सिपोरा बाजार. 8 मे 2026- जालना मनपा, बदनापूर नगर पंचायत, नगर परिषद अंबड, नगर पंचायत तिर्थपुरी,नगर परिषद परतुर, नगर पंचायत मंठा, नगर परिषद भोकरदन, नगर पंचायत जाफ्राबाद. 15 मे 2026- नगर पंचायत घनसावंगी, भोकरदन- आन्वा जिल्हातील सर्व नागरिकांनी या शिबीराचा लाभ घ्यावा, असे आवाहन जिल्हा प्रशासनाच्या वतीने करण्यात येत आहे.

-*-*-*-*-

जानकी महोत्सव -2026 व मिनी सरस विक्री प्रदर्शनाचे आयोजन; नागरिकांना मोठ्या संख्येने उपस्थित राहून लाभ घेण्याचे आवाहन

 

जालना, दि. 6 (जिमाका) :- महाराष्ट्र राज्य ग्रामीण जीवनोन्नती अभियान अंतर्गत ग्रामीण स्वयं सहाय्यता समूहांमार्फत तयार करण्यात आलेल्या विविध उत्पादनांच्या विक्रीस प्रोत्साहन देण्यासाठी जिल्हास्तरीय “जानकी महोत्सव – 2026” व मिनी सरस विक्री प्रदर्शन आयोजित करण्यात आले आहे. हे प्रदर्शन दि. 7 ते 11 मार्च 2026 या कालावधीत डॉ. फ्रेजर बॉईज हायस्कूल, आझाद मैदान समोर, जालना येथे भरविण्यात येणार आहे. तरी नागरिकांनी परिवारासह भेट देवून ग्रामीण भागातील स्वयंसहाय्यता गटातील महिलांची उत्पादीत उत्पादने व खाद्य संस्कृतीला प्रोत्साहन द्यावे, असे आवाहन करण्यात आले आहे.

या प्रदर्शनामध्ये जालना जिल्ह्यातील ग्रामीण भागातील स्वयं सहाय्यता समूहातील महिलांनी तयार केलेल्या विविध प्रकारच्या गुणवत्तापूर्ण व घरगुती उत्पादनांचे एकूण 80 स्टॉल्स उभारण्यात येणार असून, नागरिकांना ग्रामीण भागातील दर्जेदार उत्पादने खरेदी करण्याची संधी उपलब्ध होणार आहे. या स्टॉल्समध्ये गावठी पद्धतीने तयार केलेले मसाले, हळद, मिरची पावडर, पापड, खारोडी, धपाटे पीठ, ढोकळा पीठ, विविध डाळी, बाटी पीठ, विविध फरसाण, गावठी तूप, अॅपल जॅम, मध, गोड पदार्थ, घोंगडी, योगा मॅट, पत्रावळी, लाकडी खेळणी आदी विविध उत्पादने विक्रीसाठी उपलब्ध राहणार आहेत. याशिवाय ग्रामीण भागातील अस्सल चविष्ट शाकाहारी व मांसाहारी जेवण, तसेच दहीधपाटे, झुणका-भाकर, भरीत-भाकरी, मिसळ, वडापाव अशा विविध खाद्यपदार्थांची चवही नागरिकांना चाखता येणार आहे. ग्रामीण महिला बचत गटांनी तयार केलेल्या या उत्पादनांना प्रोत्साहन देण्यासाठी जालना जिल्ह्यातील नागरिकांनी मोठ्या संख्येने उपस्थित राहून खरेदी करावी व महिलांच्या उद्यमशीलतेला पाठबळ द्यावे, असे आवाहन प्रकल्प संचालक, जिल्हा ग्रामीण विकास यंत्रणा, जालना यांनी प्रसिध्दीपत्रकाद्वारे केले आहे.

-*-*-*-*-

सफाई कर्मचारी आयोगाचे अध्यक्ष शेरसिंग रुक्कानसिंग डागोर यांचा दौरा जालना, दि.5 (जिमाका) :- महाराष्ट्र राज्य सफाई कर्मचारी आयोगाचे अध्यक्ष (राज्यमंत्री दर्जा) शेरसिंग रुक्कानसिंग डागोर हे जालना जिल्ह्याच्या दौऱ्यावर येत असून त्यांचा दौऱ्यातील कार्यक्रम पुढीलप्रमाणे आहे. रविवार दि.8 मार्च 2026 रोजी नागपूर येथून जालना येथे सायंकाळी 6 वाजता शासकीय विश्रामगृहात आगमन व राखीव. सोमवार दि.9 मार्च 2026 रोजी दुपारी 12 ते 12.30 वाजेपर्यंत सफाई कर्मचारी संघटनेसोबत बैठकीस उपस्थिती. दुपारी 1 ते 2 वाजेपर्यंत जिल्हाधिकारी कार्यालयात हाताने मैला उचलणाऱ्या सफाई कामगारांच्या नियुक्तीस प्रतिबंध कर णे व त्यांचे पुर्नवसन करणेबाबतचा अधिनियम 2013ची अंमलबजावणीबाबत तसेच सफाई कर्मचाऱ्यांच्या समस्या व अडीअडचणी निवारणासाठी केलेल्या उपाययोजनाबाबत आढावा बैठकीस उपस्थिती. बैठकीनंतर पत्रकार परिषद घेतील. दुपारी 2 ते 3 वाजेपर्यंत राखीव. दुपारी 3 ते 4 वाजेपर्यंत महानगरपालिका आयुक्त यांच्यासमवेत नॅशनल ॲक्शन फॉन मॅकनाईज्ड सॅनिटेशन इकोसिस्टमची जालना जिल्ह्यातील अंमलबजावणी तसेच मा. उच्च न्यायालयात दाखल ‍रिट याचिकानूसार लाड पागे समितीच्या शिफारसीप्रमाणे प्रलंबित प्रकरणे व त्याबाबत कर ण्यात आलेली कारवाई, सफा ई कर्मचाऱ्यांच्या समस्या व त्यांचे निराकरण करण्यासाठी उपाययोजनाबाबचा आढावा घेतील. त्यानंतर पत्रकार परिषदेचे आयोजन. दुपारी 4 नंतर शासकीय विश्रामगृह जालन येथे राखीव. -*-*-*-*-

 

सफाई कर्मचारी आयोगाचे अध्यक्ष

शेरसिंग रुक्कानसिंग डागोर यांचा दौरा

 

जालना, दि.5 (जिमाका) :- महाराष्ट्र राज्य सफाई कर्मचारी आयोगाचे अध्यक्ष (राज्यमंत्री दर्जा) शेरसिंग रुक्कानसिंग डागोर हे जालना जिल्ह्याच्या दौऱ्यावर येत असून त्यांचा दौऱ्यातील कार्यक्रम पुढीलप्रमाणे आहे.

रविवार दि.8 मार्च 2026 रोजी नागपूर येथून जालना येथे सायंकाळी 6 वाजता शासकीय विश्रामगृहात आगमन व राखीव.

सोमवार दि.9 मार्च 2026 रोजी दुपारी 12 ते 12.30 वाजेपर्यंत सफाई कर्मचारी संघटनेसोबत बैठकीस उपस्थिती.  दुपारी 1 ते 2 वाजेपर्यंत जिल्हाधिकारी कार्यालयात हाताने मैला उचलणाऱ्या   सफाई कामगारांच्या नियुक्तीस प्रतिबंध कर णे व त्यांचे पुर्नवसन करणेबाबतचा अधिनियम 2013ची अंमलबजावणीबाबत तसेच सफाई कर्मचाऱ्यांच्या समस्या व अडीअडचणी निवारणासाठी केलेल्या उपाययोजनाबाबत आढावा बैठकीस उपस्थिती. बैठकीनंतर पत्रकार परिषद घेतील.   दुपारी 2 ते 3 वाजेपर्यंत राखीव. दुपारी 3 ते 4 वाजेपर्यंत महानगरपालिका आयुक्त यांच्यासमवेत नॅशनल ॲक्शन फॉन मॅकनाईज्ड सॅनिटेशन इकोसिस्टमची जालना जिल्ह्यातील अंमलबजावणी तसेच मा. उच्च न्यायालयात दाखल ‍रिट याचिकानूसार लाड पागे समितीच्या शिफारसीप्रमाणे प्रलंबित प्रकरणे व त्याबाबत कर ण्यात आलेली कारवाई, सफा ई कर्मचाऱ्यांच्या समस्या व त्यांचे निराकरण करण्यासाठी उपाययोजनाबाबचा आढावा घेतील. त्यानंतर पत्रकार परिषदेचे आयोजन. दुपारी 4 नंतर शासकीय विश्रामगृह जालन येथे राखीव.

-*-*-*-*-

समाज कल्याणच्या पुरस्कारासाठी अर्ज करावेत जालना, दि.5 (जिमाका) :- सामाजिक न्याय व विशेष सहाय्य विभागामार्फत समाजकल्याण क्षेत्रात उल्लेखनीय कार्य करणाऱ्या नोंदणीकृत स्वयंसेवी संस्था आणि समाजसेवकांना दरवर्षी विविध पुरस्कारांनी सन्मानित करण्यात येते. सन 2024-25 आणि 2025-26 या आर्थिक वर्षांतील पुरस्कारांसाठी इच्छुक पात्र संस्था तसेच उमेदवारांनी अर्ज सादर करावेत, असे आवाहन जालना समाज कल्याणचे सहायक आयुक्त राजू एडके यांनी प्रसिद्धीपत्रकाद्वारे केले आहे. समाजकल्याण क्षेत्रात सातत्याने कार्यरत असलेल्या नोंदणीकृत स्वयंसेवी संस्था आणि वैयक्तिक स्तरावर उल्लेखनीय कार्य करणारे समाजसेवक यामध्ये सहभागी होऊ शकतात. दोन्ही वर्षांच्या (2024-25 व 2025-26) पुरस्कारांसाठी अर्ज करण्याची अंतिम तारीख 15 मार्च 2026 अशी निश्चित करण्यात आली आहे. पुरस्कारासाठी कामाची गणना 1 जानेवारी 2024 ते 31 डिसेंबर 2024 या कालावधीतील कामगिरीवर आधारित असेल. वर्षासाठी आणि ज्या विशिष्ट पुरस्कारासाठी अर्ज केला जात आहे, त्या पुरस्कारासाठी शासनाने विहित केलेल्या सर्व अटी व शर्तींची पूर्तता करणे आवश्यक आहे. -*-*-*-*-

 

समाज कल्याणच्या पुरस्कारासाठी अर्ज करावेत

 

जालना, दि.5 (जिमाका) :- सामाजिक न्याय व विशेष सहाय्य विभागामार्फत समाजकल्याण क्षेत्रात उल्लेखनीय कार्य करणाऱ्या नोंदणीकृत स्वयंसेवी संस्था आणि समाजसेवकांना दरवर्षी विविध पुरस्कारांनी सन्मानित करण्यात येते. सन 2024-25 आणि 2025-26 या आर्थिक वर्षांतील पुरस्कारांसाठी इच्छुक पात्र संस्था तसेच उमेदवारांनी अर्ज सादर करावेत, असे आवाहन जालना समाज कल्याणचे सहायक आयुक्त राजू एडके  यांनी प्रसिद्धीपत्रकाद्वारे केले आहे.

समाजकल्याण क्षेत्रात सातत्याने कार्यरत असलेल्या नोंदणीकृत स्वयंसेवी संस्था आणि वैयक्तिक स्तरावर उल्लेखनीय कार्य करणारे समाजसेवक यामध्ये सहभागी होऊ शकतात. दोन्ही वर्षांच्या (2024-25 व 2025-26) पुरस्कारांसाठी अर्ज करण्याची अंतिम तारीख 15 मार्च 2026 अशी निश्चित करण्यात आली आहे. पुरस्कारासाठी कामाची गणना 1 जानेवारी 2024 ते 31 डिसेंबर 2024 या कालावधीतील कामगिरीवर आधारित असेल. वर्षासाठी आणि ज्या विशिष्ट पुरस्कारासाठी अर्ज केला जात आहे, त्या पुरस्कारासाठी शासनाने विहित केलेल्या सर्व अटी व शर्तींची पूर्तता करणे आवश्यक आहे.

-*-*-*-*-

जालना जिल्ह्यात इंधनाचा मुबलक साठा; अफवांवर विश्वास न ठेवण्याचे जिल्हा प्रशासनाचे आवाहन जालना, दि.5 (जिमाका) :- आखाती देशांतील युद्धजन्य परिस्थितीमुळे जालना जिल्ह्यात इंधनाचा तुटवडा निर्माण झाल्याची अफवा काही ठिकाणी पसरत आहे. या अफवेमुळे जिल्ह्यातील पेट्रोल पंपांवर वाहनधारकांनी इंधन भरण्यासाठी मोठी गर्दी केल्याचे चित्र दिसत आहे. मात्र, जालना जिल्ह्यात पेट्रोल आणि डिझेलचा साठा पुरेसा असून इंधन पुरवठा पूर्णपणे सुरळीत आहे, असे स्पष्टीकरण जिल्हा प्रशासनाने दिले आहे. जिल्ह्यातील सर्व पेट्रोल पंपांवर नियमितपणे पुरवठा सुरू आहे. नागरिकांनी घाबरून जाऊन पंपांवर अनावश्यक गर्दी करू नये. अतिरिक्त इंधन साठा करण्याची कोणतीही गरज नसून नागरिकांनी संयम पाळावा, असे आवाहन करण्यात आले आहे. जिल्ह्यातील सर्व पेट्रोल पंप कंपन्यांच्या विक्री अधिकारी आणि प्रतिनिधींना इंधन पुरवठा सुरळीत ठेवण्याबाबत आवश्यक सूचना प्रशासनामार्फत देण्यात आल्या आहेत. पुरवठ्याबाबत कोणतीही अडचण नसल्याचे प्रशासनाने स्पष्ट केले आहे. इंधन तुटवड्याबाबत चुकीची माहिती किंवा अफवा पसरविणाऱ्या व्यक्तींवर कठोर कायदेशीर कारवाई केली जाईल, असा इशाराही प्रशासनाने दिला आहे. नागरिकांनी कोणत्याही अनाधिकृत माहितीवर विश्वास न ठेवता, अधिकृत माहितीसाठी जिल्हा प्रशासनाशी संपर्क साधावा, असे जिल्हा पुरवठा अधिकारी, जालना यांनी प्रसिध्दीपत्रकाद्वारे कळविले आहे. -*-*-*-*-

 

जालना जिल्ह्यात इंधनाचा मुबलक साठा;

अफवांवर विश्वास न ठेवण्याचे जिल्हा प्रशासनाचे आवाहन

 

जालना, दि.5 (जिमाका) :- आखाती देशांतील युद्धजन्य परिस्थितीमुळे जालना जिल्ह्यात इंधनाचा तुटवडा निर्माण झाल्याची अफवा काही ठिकाणी पसरत आहे. या अफवेमुळे जिल्ह्यातील पेट्रोल पंपांवर वाहनधारकांनी इंधन भरण्यासाठी मोठी गर्दी केल्याचे चित्र दिसत आहे. मात्र, जालना जिल्ह्यात पेट्रोल आणि डिझेलचा साठा पुरेसा असून इंधन पुरवठा पूर्णपणे सुरळीत आहे, असे स्पष्टीकरण जिल्हा प्रशासनाने दिले आहे.

जिल्ह्यातील सर्व पेट्रोल पंपांवर नियमितपणे पुरवठा सुरू आहे. नागरिकांनी घाबरून जाऊन पंपांवर अनावश्यक गर्दी करू नये. अतिरिक्त इंधन साठा करण्याची कोणतीही गरज नसून नागरिकांनी संयम पाळावा, असे आवाहन करण्यात आले आहे. जिल्ह्यातील सर्व पेट्रोल पंप कंपन्यांच्या विक्री अधिकारी आणि प्रतिनिधींना इंधन पुरवठा सुरळीत ठेवण्याबाबत आवश्यक सूचना प्रशासनामार्फत देण्यात आल्या आहेत. पुरवठ्याबाबत कोणतीही अडचण नसल्याचे प्रशासनाने स्पष्ट केले आहे.  इंधन तुटवड्याबाबत चुकीची माहिती  किंवा  अफवा पसरविणाऱ्या व्यक्तींवर कठोर कायदेशीर कारवाई केली जाईल, असा इशाराही प्रशासनाने दिला आहे. नागरिकांनी कोणत्याही अनाधिकृत माहितीवर विश्वास न ठेवता, अधिकृत माहितीसाठी जिल्हा प्रशासनाशी संपर्क साधावा, असे जिल्हा पुरवठा अधिकारी, जालना यांनी प्रसिध्दीपत्रकाद्वारे कळविले आहे.

-*-*-*-*-

राज्य शासनाच्या कल्याणकारी योजनांच्या प्रचार-प्रसिध्दी चित्ररथाचा हिरवी झेंडी दाखवून प्रारंभ

 

• जिल्हाधिकारी आशिमा मित्तल यांच्या हस्ते प्रसिध्दी मोहिमेची सुरुवात

 

जालना,दि.5(जिमाका): जिल्हा वार्षिक योजना (सर्वसाधारण) सन 2025-2026 अंतर्गंत विविध विभागाच्या कल्याणकारी योजनांची तसेच जिल्हा वार्षिक योजना (अनुसूचित जाती उपयोजना) सन 2025-2026 अंतर्गंत सामाजिक न्याय विभागाच्या योजनांची जिल्ह्यातील लाभार्थ्यांना माहिती व जनजागृती होण्यासाठी जिल्हा माहिती कार्यालय जालना यांच्या वतीने आयोजित डिजिटल चित्ररथाला आज येथील जिल्हाधिकारी कार्यालयाच्या परिसरात जिल्हाधिकारी आशिमा मित्तल यांच्या हस्ते हिरवी झेंडी दाखवून प्रचार-प्रसिद्धी मोहिमेचा प्रारंभ करण्यात आला. हे चित्ररथ जिल्ह्यातील शहरी आणि ग्रामीण भागात जाऊन प्रचार-प्रसिध्दी करणार असुन, यामुळे नागरिकांना तसेच लाभार्थ्यांना या चित्ररथाच्या माध्यमातून विविध योजनांची माहिती मिळणार असुन, या योजनांचा लाभ घेण्यास देखील मदत होणार आहे. जिल्हा वार्षिक योजना (सर्वसाधारण) अंतर्गत मुख्यमंत्री बळीराजा शेत/पांदण रस्ते योजना, पीएम सुर्यघर मुफ्त बीजली योजना, मुख्यमंत्री सौर कृषी वाहिनी योजना 2.0, बालविवाह प्रतिबंध कायदा:2006, मुख्यमंत्री समृद्ध पंचायत राज अभियान, कस्तुरबा गांधी बालिका विद्यालय या योजनांचा समावेश आहे. तसेच जिल्हा वार्षिक योजना (अनुसूचित जाती उपयोजना) अंतर्गत कर्मवीर दादासाहेब गायकवाड सबळीकरण व स्वाभिमान योजना, अनुसूचित जातीतील लाभार्थींना शेळ्या/मेढ्यांचे गट व दुभत्या जनावरांच्या गटाचा पुरवठा करणे, सावित्रीबाई फुले शिष्यवृत्ती योजना, डॉ. बाबासाहेब आंबेडकर कृषी स्वावलंबन योजना, सौर उर्जा संयंत्र बसविणे, ग्रामीण भागातील महिलांना विविध साहित्य पुरविणे या योजनांचा समावेश आहे. तसेच डॉ. बाबासाहेब आंबेडकर कृषी स्वावलंबन योजना (नवीन विहिर व जुनी विहिर दुरुस्ती), अनुसूचित जातीतील लाभार्थींना शेळ्या मेढ्यांचे गट व दुभत्या जनवरांच्या गटाचा पुरवठा करणे, रमाई आवास योजना (शहरी व ग्रामीण) आणि अनुसूचित जाती व नवबौध्द मुलां-मुलींकरीता तालुकास्तरावर 100 शासकीय निवासी शाळा या योजनांवर आधारित भित्तीपत्रिकांचे देखील यावेळी मान्यवरांच्या हस्ते विमोचन करण्यात आले. तसेच या डिजिटल चित्ररथाद्वारे जिल्हा माहिती कार्यालय, जालना यांनी तयार केलेल्या बालविवाह मुक्त जालना, वन स्टॉप सखी सेंटर, कर्मवीर दादासाहेब गायकवाड सबलीकरण व स्वाभिमान योजना आणि अनुसूचित जातीतील नागरिकांसाठी गटई स्टॉल योजना या योजनावर आधारित लघु माहितीपट देखील दाखवून प्रचार प्रसिध्दी करण्यात येणार आहे. जालना जिल्ह्यातील सर्वसामान्य जनतेला शासनाच्या कल्याणकारी योजनांची माहिती व्हावी आणि त्यांना या योजनेचा लाभ घेता यावा, यासाठी चित्ररथ, लघु माहितीपट आणि भित्तीपत्रिकाच्या माध्यमातून व्यापक जनजागृती करण्यात येणार आहे. यावेळी जिल्हा नियोजन अधिकारी सूचित कुलकर्णी, सार्वजनिक बांधकाम विभागाच्या कार्यकारी अभियंता स्मिता पवार, समाज कल्याण विभागाचे वरिष्ठ निरिक्षक गणेश अंभोरे, जिल्हा माहिती अधिकारी अरुण सुर्यवंशी, साक्षी उगले, जिल्हा बाल संरक्षण अधिकारी गजानन इंगळे, संरक्षण अधिकारी श्री. कुलकर्णी, संतोष मुसळे, उपसंपादक (अ.का.) मिलिंद तुपसमिंद्रे, श्रीमती पुष्पा धनाईत, प्रतिभा इंगळे, विष्णु जायभाये, संतोष पाखरे, महिला बाल विकास विभाग आणि सखी वन स्टॉप सेंटरचे कर्मचारी आदींची उपस्थिती होती.                  

                            *****

 

 

 

 

 

राज्यपाल हरिभाऊ बागडे यांचा जालना जिल्हा दौरा कार्यक्रम जालना, दि.4 (जिमाका) :- राजस्थान राज्याचे राज्यपाल हरिभाऊ बागडे हे शुक्रवार दि.6 मार्च 2026 रोजी जालना जिल्ह्याच्या दौऱ्यावर येत असून त्यांचा दौऱ्यातील कार्यक्रम पुढीलप्रमाणे आहे. शुक्रवार दि.6 मार्च 2026 रोजी छत्रपती संभाजीनगर येथून दुपारी 2.55 वाजता जेईएस महाविद्यालय, जालना येथे आगमन व राखीव. दुपारी 3 ते 4 या वेळेत जालना ज्येष्ठ नागरिक मंचाकडून आयोजित कार्यक्रमास उपस्थिती. दुपारी 4.35 वाजता जालना येथून छत्रपती संभाजीनगरकडे प्रयाण करतील. -*-*-*-*-

 

राज्यपाल हरिभाऊ बागडे यांचा

 जालना जिल्हा दौरा कार्यक्रम

 

जालना, दि.4 (जिमाका) :- राजस्थान राज्याचे राज्यपाल हरिभाऊ बागडे हे शुक्रवार दि.6 मार्च 2026 रोजी जालना जिल्ह्याच्या दौऱ्यावर येत असून त्यांचा दौऱ्यातील कार्यक्रम पुढीलप्रमाणे आहे.

शुक्रवार दि.6 मार्च 2026 रोजी छत्रपती संभाजीनगर येथून दुपारी 2.55  वाजता जेईएस महाविद्यालय, जालना येथे आगमन व राखीव. दुपारी 3 ते 4 या वेळेत जालना ज्येष्ठ नागरिक मंचाकडून आयोजित कार्यक्रमास उपस्थिती. दुपारी 4.35 वाजता जालना येथून छत्रपती संभाजीनगरकडे प्रयाण करतील.

-*-*-*-*-

अभियांत्रिकी व वैद्यकीय परीक्षांसाठी आदिवासी विद्यार्थ्यांना मोफत कोचिंगची संधी

 

 

जालना, दि.2 (जिमाका):-  छत्रपती संभाजीनगर, जालना, लातूर आणि बीड जिल्ह्यातील अनुसूचित जमातीच्या विद्यार्थ्यांना अभियांत्रिकी, वैद्यकीय आणि सीईटी या परीक्षांचे मोफत प्रशिक्षण दिले जाणार आहे. शासकीय वैद्यकीय आणि अभियांत्रिकी महाविद्यालयात आदिवासी विद्यार्थ्यांचा टक्का वाढवण्यासाठी छत्रपती  संभाजीनगर एकात्मिक आदिवासी विकास प्रकल्पाच्या प्रकल्प अधिकारी चेतना मोरे यांनी हे पाऊल उचलले आहे.

इयत्ता अकरावी आणि बारावीमध्ये शिकणाऱ्या विद्यार्थ्यांना आता नामवंत खासगी संस्थांमार्फत अभियांत्रिकी, वैद्यकीय आणि सीईटी या परीक्षांचे मोफत प्रशिक्षण दिले जाणार आहे. एकात्मिक आदिवासी विकास प्रकल्पांतर्गत हा स्तुत्य उपक्रम राबवण्यात येत आहे. शासकीय आश्रमशाळा, अनुदानित शाळा, EMRS आणि जिल्हा परिषद शाळांमधील पात्र विद्यार्थ्यांनी विहीत नमुन्यातील अर्ज तातडीने भरणे आवश्यक आहे. हे अर्ज प्रकल्प कार्यालय किंवा संबंधित मुख्याध्यापकांकडे मोफत उपलब्ध असून ते भरून तात्काळ सादर करण्याचे आवाहन करण्यात आले आहे. असे प्रसिध्दीपत्रकाद्वारे कळविले आहे.

-*-*-*-*-